كتاب غريب اتكتب في القرن الـ ١٩. الغرابة في إن كاتبه مجهول، وكمان متعافي من الجنون.
الكتاب اللى غير نظرتي جدا للمرض دا خاصة إن مؤلف الكتاب قدر يتعافى ويمكن دي حاجة مش كتير مننا بيتخيل إنها ممكن تحصل فعلاً.
الجميل هنا إن الكاتب حب يتكلم عن المرض من زاوية المريض نفسه، ويوضح لنا
أسبابه وطرق علاجه من وجهة نظره. وحاول تغيير نظرة المجتمع للمرض و ضرورة توجيه العناية اكتر بيه ،وتصحيح المفاهيم الخاطئة اللي دايماً بنسمعها عن المرض دا.ودور الأسرة المهم فى دعم المريض .
الكاتب كمان دخلنا جوه المصحات العقلية في الزمن ده، وكلمنا عن العاملين فيها وطرق العلاج اللي كانت متبعة وقتها.
ورغم إن المؤلف مش متخصص، لكن طرحه كان فلسفي جداً .
الكتاب مليان معلومات ومصطلحات طبية خليته دسم وتقيل وثرى جداً رغم حجمه الصغير. خاصة بلغة الكاتب القديمة
وهنا مهم نتكلم عن الترجمة للكتاب اللى سهلت كل دا . وكمان كون المترجمة طبيبة ساعد في تبسيط الأمور الطبية.
كمان إضافات المترجمة وتعليقاتها الجانبية كانت ممتازة، لأنها وضحت وصححت مفاهيم طبية كتير، خصوصاً مع اختلاف الزمن وإن الكاتب غير متخصص، فـ ده خلى التجربة النهائية للقراءة سلسة ومفيدة جداً.
