الاسم : عمارة رقم 9

المؤلف : نسمة عاطف

التصنيف : فانتازيا و تراجيدي بالنسبة لي🫣 و مليانة تفاصيل

عدد الصفحات : 1141 على ابجد

ملخص الرواية :

عمارة جديدة في مكان شبه هادئ في مدينة بعيدة عن الضجيج و الزحام اختيار ممتاز لاي شخص بيفكر في بداية جديدة للتعافي من فقدان شخص عزيز عليه او من صدمة او حتى عشان يستخبى عن عيون الناس بعد ما عمل فعل شنيع و بيهرب من توابع اخطائه. سكان العمارة من فئات و طبقات و خلفيات اجتماعية مختلفة لكن بيجمعهم شئ واحد ياترى هو ايه!؟ دة اللي هيبان في تفاصيل الاحداث بس ياترى هل العمارة دي فيها طاقة بتجذب سكانها ولا هما اللي بيقعوا في غرامها🤗🤗.

الرأي الشخصي : نسمة انا بجد استحلت تلات ايام بلياليهم وانا الفضول مموتني عاوزة اخلصها بس مع الصيام التوقيت مش مساعد هنجت اول حرفياً قبل الفطار قلت استنى بعد الفطار و اشربلها قهوة بقيت محتاجة فناطيس قهوة زي المحامي المحترم" عبدالرحمن باشا" 😂بحد حبيت بداية الرواية اللي كانت لغز شدني و حبسني جنبها عشان افعم بيحصل ايه اتسحلت معاكي في كل دور ما انكرش اني مرة قرأت دور برقمه و جمبه كلمة ايمن افتكرت اسم البطل "ايمن" 🤣🤣لحد ما فهمت في الفصل اللي بعده حبيت اختلاف الشخصيات و كل واحد بيحكي حكايته حسيت اني بتابع مسلسل حلقاته منفصلة لكن السلسلة كلها ليها حبكة متصلة ببعضها المعلومات اللي جوة الرواية حسستني اني بقرأ مغامرة ل" رفعت اسماعيل" و هلاقيه في الآخر بيفسر اللي خصل بطريقته و مع لمسة ساخرة فيها انتقاد للواقع بمساوئه و مساوئ السوشال ميديا و زيادة عدد السايكو في المجتمع و دمجه مع شخصيات الرواية السفر بالزمن من عصر " ست و حورس و المماليك و الجرايم البشعة على مدار السنين البعيدة و القريبة اللي للأسف خوفتني كنت دايماً بقرأ و اقول حصل زمان زمان الحمدلله لحد ما اتصدمت انه في جرايم بشعة حصلت قريب عاااادي في جزئية "هاني" و مايكل" و "شريف" 🤧 و الدكتور البلسم حبيب المساكين"عبدالشافي" و حبه ل" عصام" و حنية ست الكل " ليلى هانم" و شهامة"سليم" مش قادرة اشوف غير مجهود جبار مش عارفة بجد ازاي قدرتي تربطي اختلاف الاحداث و تطلعي بينهم ترابط و تسلسل و تبدعي كدة حلويات بجد مفيش خلاف 🫶🏻🫶🏻🫶🏻بجد ابهرتيني.جماعة بجد اللي بيحب النوع دة من الاعمال هتعحبه جداً 🫶🏻🫰🏻

الاسلوب : اللغة فصحى مع حوار بالعامية الكاتبة وصفت كل شئ ووصلت وجهة نظرها بحرص واحترام بصراحة انا بتقفل من اسلوب الكتاب الفج في الكتابة بالفاظ خارجة او إيحاءات خارجة لكن هنا وصلت المعلومة باسلوب واضح بدون اي اذى نفسي .بحد شكرا اقذر ارشحها لاي حد بدون حرج

اقتباسات :

❞ أعتقد أنّ المصريين جميعًا لايعيشون حياة مترفة فيرون أنه واجبهم جعل حياة الكائنات الأضعف أكثر سوءًا! ❝

❞ “أيا حارسة المقبرة وسيدة المعبد، يا من تمسكين ميزان العدل لتفصلي في الحقائق، اخرجي من الظلمات حتى أستطيع أن أنال شرف النظر إلى وجهك المقدس» ❝

❞ ربة البهجة والغناء والرقص، يا من ترعانا في الطرق الموحشة التي نضطر جميعًا أن نسلكها…. أخرجي إلينا …. تقبلي قرابيننا»❝

❞ ابتسم….من الأحمق الذي لا يرى أن المال كل شيء؟ ❝

❞ هل سأموت؟

⁠‫ملئتني الفكرة خوف وتوتر، أنا لم أخش الموت يومًا بل كنت أتعامل معه كسلعة! لكن فكرة الموت بعد امتلاك كل شيء بشعة! لماذا لم يأتِ الموت عندما كنت فقيرًا معدمًا؟ ❝

❞ عندما خلق الله آدم خلق له حواء لأنه كان بحاجة إليها، لم يخلق آدم لحواء! عندما تكتشف المرأة أن الرجل هو الأكثر احتياجًا لها…..ستحكم العالم!» ❝

❞ «الدموع بتريح يا دكتورة، الستات أذكى عشان كده بيعرفوا يسيطروا على أعصابهم بالعياط وبيتخلصوا من الضغط العصبي أول بأول، الرجالة أغبياء بيشوفوا الدموع عيب، عشان كده معظمهم مجانين!» ❝

❞ زوجتي الحبيبة من طراز الزوجة التي تقف خلف زوجها لتجعله عظيمًا، لا بالتشجيع بل بالتأكيد أن كل ما يفعله غير كافي! غير قانعة، غير راضية تتمنى المزيد حتى لو اضطررت لربط نفسي في ساقية مكان الثور! المهم أن تنال ما ❝

❞ أن الذكاء الاصطناعي معناه محاكاة الواقع مع تجنب مساوئ الواقع! لو أردت فتاة تجيد النكد لوجدتها تحت كل حجر في مدينتي! ❝

❞ أفهم يقينا أن هذا الطفل هو ابن الشيطان وبلا بلا بلا! شاهدت فيلم النذير ألف مرة فلا يوجد أي ابتكار فيما يحدث ها هنا! المشكلة أنني لست ثري ولست سياسي… فلماذا أنا إذًا؟ ❝

❞ رحت أطالع بعض الأخبار على اللاب توب أمامي، ممثل تركي تزوج وهناك حالة من الهستريا على السوشيال ميديا، إن التفاهة داء تفشي! افتح الصور،.. امممم! حسنًا، أنه وسيم ويستحق الهيستريا! ❝