واحد من أمتع الكتب التي قرأتها في الفترة الأخيرة
يعتبر من وجهة نظري احد اهم الكتب التي لابد ان تتواجد في مكتبة اي مصري مهتم بالتاريخ و السياسة معا
أصلا فكرة ان مؤلف الكتاب محمود حسين دة شخص اعتباري و ان محمود حسين هو إسم لنصين معا دي فكرة غريبة جدا..بس ماشي
الكتاب مبذول فيه جهد كبير جدا من مؤلفيه استعانا بالكثير من المراجع التاريخية
الكتاب يصور تطور الشخصية المصرية (الرعايا) او المحكومين و نظرتهم للحاكم منذ ما قبل الحملة الفرنسية على مصر مرورا بحكم أسرة محمد علي فجمال عبد الناصر و السادات ثم مبارك انتهاءا بثورة ٢٥ يناير ٢٠١١
تقدر تطلع من كل تفاصيل الكتاب دة الدسمة و الشيقة و الممتعة في نفس الوقت ان احنا أمة عظيمة فعلا تطورت على مر العصور…
تطور المحكومين في رأيي لم يصاحبه نفس التطور في ظني في عقلية الحاكم…
تحس لما تخلص الكتاب دة ان احنا منذ ما قبل ١٧٩٨ و احنا فئران تجارب لنظم حكم عديدة جربت في الناس دي كل حاجة…
حسيت ان مرونة الشعب دة و تطوره عظيمة و انه قادر على استيعاب أنماط حكامه الغريبة و العجيبة على مر العصور
كتاب ممتع..تاريخي..بحثي..متعوب عليه بجد
