الكل محل إدانة حتى يثبت العكس..

إذا كان فيه قاعدة واحدة اتعلمتها من روايات الجريمة فهي القاعدة السابقة دي، فجميع

الشخصيات محل إدانة حتى الهامشية، والفرعية تماما حتى الأبطال نفسهم أو الضحية، حتى

أنت ذات نفسك ممكن تطلع الجاnي في النهاية..

طبعا إذا بالغت بشكل ساخر في الجملة الأخيرة

فهو بسبب اد ايه كل رواية جريmة متقنة بتتميز بإبعاد الشك بشكل غير عادي عن الجاnي

الحقيقي، وتصدمك بهويته في النهاية، ودا توقعته هنا لكن ظنا مني أن مهما كانت التويست النهائية استحالة مش هكون عند نقطة ما -خلال الرواية- توقعت الجاnي، لكن اللي حصل كان العكس تماما فأنا اتصدمت صدمة كبيرة، ولكن مش بسبب هوية الجاnي، بل بسبب دوافعه..

رواية ذبابة زرقاء لأجاثا كريستي العرب

الكاتبة الكبيرة/ نهى داود Noha Daoud ، عن دار المصرية اللبنانية، هي رواية جريmة، بتبدأ بندى اللي بتختفي صديقتها الأمريكية أثناء رحلتهم في دهب، وتعاونها مع المقدم عاصم اللي كانت بتجمعه بيها علاقة قديمة للوصول لصديقتها، وبيكتشفوا إن صديقتها مش الأولى اللي تختفي في مدينة دهب بالشكل دا، فيوسعوا دايرة شكوكهم لكل المحاوطين بيهم، عشان مع كل خطوة يتضح سر وخيط جديد لحل الجريmة.

رتم الأحداث شيق جدا، يدفعك لأكل الصفحات حرفيا للوصول لحل العقدة، وهوية القاtل

المتسلسل، بل والأهم دافعه.. اللي على مدار الأحداث بدا مبهم جدا لكن عشان تاخد صدمة في النهاية بطبيعة الدافع دا، ومنطقيته الرهيبة، والأعظم كمية التلميحات الصغيرة جدا على مدار العمل اللي بتكتمل في النهاية على هيئة puzzle مكتملة الأركان لهوية القاtل ودوافعه.

طبيعة الشخصيات وعلاقتهم ببعض معقدة، تدفع القارئ للشك بهم كلهم على حد سواء، على الأغلب عدا القاtل الفعلي، ورغم توقعي لهويته عند نقطة ما قبل الوصول للنهاية، إلا إن على الأغلب توقعه مش هيكون سهل أبدا.

وصف مدينة دهب ساحر ومبهر.. فرغم كون الرواية تصنيفها جريmة، والمشاعر الطاغية طول الصفحات هي: الترقب والتوتر، إلا ان الكاتبة في خضم دا قدرت تسحر القراء بالوصف الدقيق الساحر لمدينة دهب.

رواية اللي أقدر أقوله عنها أنها تحفة فنية، واستمتعت بكل سطر فيها وبيها كعمل متكامل..

#ذبابة_زرقاء