الرواية دي من النوع اللي بيمسك فيك من أول صفحة، مش بالقوة… لكن بالفضول. كل حدث بيشدك للي بعده، وكل فصل يخليك تقول: طب صفحة كمان.
السرد هادي لكنه عميق، بسيط في لغته، تقيل في إحساسه.
أكتر حاجة شدتني فعلًا كانت النهاية… نهاية ما جاتش زي ما توقعت، لكنها جات زي ما الرواية كانت محتاجة. صادمة بهدوء، وتسيبك ساكت بعد آخر سطر، كأنك محتاج تستوعب اللي حصل مش أكتر.
وأكتر حاجة اندهشتني إني طول الرواية حاسة إن اللي بيكتب ست، بكل الحساسية والقدرة على الغوص في المشاعر والتفاصيل الإنسانية، ولما اكتشفت إن الكاتب رجل… ده زوّد تقديري للعمل أضعاف.
رواية عن الحياة، والموت، والمساحة اللي بينهم…
عن المثالية اللي ممكن تكون وهم، وعن الحقيقة اللي بتيجي متأخرة أحيانًا.
قراءة تستحق، وتجربة تفضل معاك بعد ما تخلصها.
