انا واحده من الناس مش من هواه الروايات الاجتماعيه ولكن بصراحه الكاتبه قدرت تربطني بالروايه الاجتماعيه وتخليني استنى اصدارها كل سنه اول ما ينزل ان انا اقرأه بصراحه انا بحب اسلوبها جدا و بعيش معاها الحاله ولكن انا اترددت كتير قبل ما اكتب المراجعه دي خصوصا ان انا بعد لما قريت الروايه قريت المراجعات اللي نازله عليها قبل ما اكتب مراجعتي يمكن عشان انا الراي الوحيد اللي انا هبقى مختلفه معاكم انا بصراحه يعني لان انا مقتنعه برأي سوسن انا فعلا شايفه ان المستقبل وان الواحد يواكب العصر اهم بكثير من فكره ان العيله تبقى متجمعه في رمضان ولا متجمعه في بيت واحد ما عادي الدنيا الدنيا ضيقه والناس كلها بتعرف تتواصل عادي انما ان انا اقتل طموح او احبس نفسي جوه اربع حيطان عشان خاطر نفضل الناس كلها عايشه في بيت واحد لا مش صح طبعا غير انا مثلا شخصيه عبد العليم ده بالنسبه لي كانت شخصيه غريبه جدا يعني ايه لازم نبقى في رمضان كلنا ما بناكل مع بعض ما عادي يعني اللي عايز يخرج واللي عايز يجي واللي عايز يروح مش فاهمه الفكره انه لازم ولازم كل وقت ليه اذان وما ينفعش ابدا ان انا احكم على جيل ولا احكم على حد بدماغي ومش لازم الناس تفضل عايشه في افكار الاجداد والا ما كانش حد خد خطوه لقدام