كلمة بيت العيلة بتعمل قلق بس مش من قديم الأذل ولا حاجة
يمكن بس مؤخرا لما بنسمعها بيحصل حالة هلع
أما زمان فـ يا فرحة اللى تقعد وسط أهلها وفى نفس حييها
لما بتيجى سيرة " بيت العيلة " أيامنا ديه هتلاقيها مرتبطة دايما بالتدخلات ورايحين فين وجايين منين إن شاء الله مع مصمصة الشفاه ولوية بوز كمان
وبصى جوزها جابلها ايه وعد الشنط اللى داخلة وخارجة من البيت 🏡
شوف شوف عيالها خارجين ازاى وطالبين دليفرى الساعة 2️⃣ بليل 🌙
الهانم سايبة البيت 🏡 وخارجة رايحة على فين 🤔
وقيعة تلاقى - غل موجود طبعا مش فى كل البيوت بس بقوا ما أكثرهم اليومين دول
بس الغريب فى رواية #بيت_زينب أنك مش هتلاقى العينة ديه 🤲🏻 #چيهان_سرور غيرت نظرتنا وبعدت عن جو المسلسلات واللى بتصدره عن بيوت العائلات
مش هقولك غير انها حببتينى فى بيوت العيلة
بالرغم من ان شخصيتى قافلة على بيتها وولادها وما بتحبش ولا حد يتدخل فى حياتهم ولا هى تتدخل فى حياة حد الا لو حد احتاجها
الا أنى حبيت بيت زينب واتمنيت ابقى عايشة وسط اهل ولمة وناس داخلة وناس خارجة
مشاركين بعض فى الحلو والوحش
بعدتينا عن اجواء النفسنة والغل اللى بقيت متصدرة فى المسلسلات عن المشاحنات بين العائلات والطمع والمؤامرات
خدتينا لحتة رايقة كده
من لمة سفرة على فطار فول وطعمية وبتنجان 😋وبعدها حبسة بكوباية شاى فى البلكونات☕️
تجمبعة العيلة على فطار رمضان والانشكاح 😄 بسماع الآذان
ولا الفرحة لما حد ينجح من العيال 🎓
حتى لما ذكرتى التدخل من أحد الأفراد حسيته تدخل حميد خايف بس على الانفراط مش قصده تحكمات
شوية اعذر شخصية "سوسن" وشوية الومها
حاسة باحتياجها للاستقلال وفى نفس الوقت بقولها بس كده امان
اطلعى براهم شوية وارجعى قوام مفيش احلى من الونس وانك تبقى وسط ناس بحسسوكى بالأمان
الانطلاق والتحرر مش هيفيدوكى ولا هيفيدوا العيال
اتعلموا وانطوروا بس ارجعوا تانى للمتكم
انا اللى بقول كده !!!!
مستغربة الصراحة 🤔
بس اصل مش اى عيلة تحبى لمتها
بس لو عندنا زى عيلة زينب يبقى هتمنى ونسهم وروحهم الحلوة 😊
حبيت بيت زينب وحبيت لمتهم وجدعنتهم والحمد لله عندى بيت بابا وماما واخواتي ربنا ما يحرمنى من لمتهم 💙🤲🏻
تسلم ايدك يا چيهان على حالة الروقان 💙💙
الغلاف تحفة 😍 بيفكرنى ببلكونة بيت ماما … بيوت طيبة💙
#مكتبة_دنيا
#قراءات_٢٠٢٦