عشان نقدر نقيّم رواية بمعايير شخصية عادي مش معايير نقدية وعشان منحرقش الرواية للي لسه مقراهاش ممكن نتكلم في كذا نقطة
-أولا اللغة قوية جدا التصوير بيها سلس، استخدام الألفاظ في مكانها التشبيهات قوية، بيوصف الطعم والريحة والإحساس وما يجول في الخاطر، أكنها كاميرا ثلاثية الأبعاد مغطية كل التفاصيل تقريبًا
-الأحداث خاطفة ومشوقة لا هي سريعة لدرجة انها مش مفهومة ولا هي مملة وبطيئة منطلقة انطلاقة قطر بدأ بهدوء وبيسرع شوية بشوية، وده أهم عامل في الرواية مخدتش بالي منه إلا لما الناس بدأت تقرأ لأنه حقق عنصر الإمتاع والتسلية بسهولة وده خلاها تعجب شريحة كبيرة من ناس أعرفهم وأذواقهم متنوعة وناس أول مرة تقرا في حياتها رواية
-الحبكة حدث ولا حرج 😅
ما شاء الله مبنية طوبة طوبة مفيهاش بعد قراءتين أي تناقضات ولا فجوات مش مفهومة، لو في حاجة فاتت عليا وحد خد باله منها يا ريت يقولي😂
-الشخصيات بشر عاديين جدًا لا هما مثاليين وملايكة ولا هم شياطين عشان النقطة دي بتفصلني في أي قصة شخصيات الخير والشر المحض.
-النهاية غير متوقعة وغير تقليدية هتحط القارئ نفسه في المواجهة يا ترى هتبقى إنت كمان وجه آخر للشيطان، ولا هترفض ده لو تقدر 😈
