دايما بتجذبنى أى حاجة ليها علاقة " بالدرويش "

يمكن علشان من اسمى 🤷‍♀️ حقيقى مش عارفة

بس بلاقينى دايما بتشد لرسمة، صورة ، أى شىء بيمثله حتى لو كانت شمعة ديكور ☺️… كل اللى يعرفنى عارفين أنى متيمة بالدراويش … حتى فى بيتي هو افرى وير 😄

فما بالك بقى لما ألاقي رواية اسمها #أرض_الدراويش وكمان لـ #دينا_القمحاوي من إصدارات دار #اكتب_للنشر_والتوزيع 🤔 هقولكم ليه ❓

روايات دينا بالنسبة ليا بالرغم من بساطة فكرتها وسلاسة اسلوبها بحسها بتكلمنى

اقرب لحديث مع النفس

بلاقى راحة وطبطبة وبتجيلى دايما فى الوقت الصح 👌

مش بركز على القصة بتدور عن ايه

على قد ما ببقى عايزة اقرأ رسايلها اللى فى السطور

بتدخلنى فى حالة من الاطمئنان كأنك شديت فيشة دماغك 😄 حسيت بالإحساس ده ياااااا هدوءءءءءء

رحلة كده فى الخفيف تاخد وتدى مع نفسك وتراجع التفكير فى أشباء كثير

واكلة عقلك ومشتتة تفكيرك ومخلياك ضارب بوز

وشايل على كتفك هموم

هى بقى بتقولك نفض من على كتفك وادخل برجلك اليمين وهدى خلقك كده حبتين وسلمها لله رب العالمين 🤲🏻

هعتبر رواية أرض الدراويش رسائل موجهة لينا فى قصة بسيطة زى ما قولتلك ماكنش هاممنى اركز فى حبكة القصة أنا عارفة أنا داخلة عايزة ايه من الرواية ديه😊

هسيب ليكم بعض الإقتباسات 👇🏻👇🏻👇🏻 هتفهموا منها رحلتى كانت ازاى فى أرض الدراويش 💙💙

📌 إذا دقَّ الخوف بابكِ دعي ثقتكِ بالله تفتح له الباب، فما هو إلا شيطان سينصرف عند ذكر الله، وتذكَّري أن الشيطان يخوف أوليائه فلا تكوني منهم.

📌 لن تأتي السعادة للتعساء، ستأتي فقط للسعداء، اسعدي بما في يديكِ الآن أيًّا كان تأتيكِ السعادة راغمة.

📌 ⁠‫أميرة:

- لا أستطيع أن أستشعر السعادة بما معي، أشعر دائمًا بأنني ينقصني الكثير.

الشيخ:

⁠‫- إذًا سوف تحصلين على المزيد والمزيد من الأحداث التي ستزيد من إحساسكِ بعدم الرضا، لأن الكون سيتشكَّل دائمًا تبعًا لما يدور بداخلك.

📌 الرسائل كثيرة ومن يقرؤها قليل، فليرزقنا الله بالبصيرة والقدرة على فض رسائله.

📌 أحبب حبيبك هونًا ما عسى أن يكون بغيضك يومًا ما، وابغض بغيضك هونًا ما عسى أن يكون حبيبك يومًا ما.

#مكتبة_دنيا

#قراءات_٢٠٢٦