كل حكاية أكثر من وجه حسب أنت هتشوفها أو تسمعها من مين … صحيح أغلبنا بيحكم على القصة من زاوية واحدة
لكن ورا الصورة اللى شايفنها مليون حكاية وحكاية مستخبية
تخيل بقى فى المجموعة القصصية ديه أنت اللى هتحدد النهاية ايه
١١ قصة مشكلين 😄 ( اجتماعى - فانتازيا - نفسي-ساخر - وهكذا …. يعنى احتمالية الزهق مفيش
كل واحدة فيهم ليها طابع مختلف تماما عن اللى قبلها وبينتهوا بنهايتين ✌🏻
وأنت اللى هتختار نهاية كل قصة ممكن تكون ايه
ماقتنعتش بالاتنين مش مشكلة اعمل نهاية أنت وقول للكاتبات نظرتك ايه هما راضيين.. يعنى flexibility فى النهايات😀 ترضى كل الأطراف 🤷♀️
ده أوقات كنت بميكس جزء من هنا وجزء من هنا واعمل نهاية ثالثة مختلفة 😄
ويا سلام لو فهمت دماغ كل كاتبة وعرفت تخمن النهاية الأصلية ✍️ يعنى هتقرأ وتكتب وتخمن 😄
بس طبيعي هتميل لقصص عن قصص حسب ذوقك أكيد 😊
نيجى للقصص بقى حسيت أن كل حكاية بتتمرد على حاجة وبتكسر بها حاجز عن طريق أبطالها أو هتلاقى مشاعر بتطلع فى صورة رد فعل اللى هتوصلك برضه لفكرة التمرد
بس مش دايما التمرد بيتوجه صح
فيه اللى عرف يستفيد منه
وفيه اللى عماه وسلك طريق مش شبهه
بس هنرجع برضه ونقول أنت اللى هتختار النهاية فشوف رد فعلك أنت على الحكاية وماذا تفعل لو كنت مكان بطل القصة اهو مالكش حجة 🤷♀️
بعد كل قصة هتلاقي Qr code يوصلك للخاتمة المحتملة مع اول مرة هتفتحه هتلاقي لينك لنهايات كل القصص
انصحك تحتفظ باللينك او تعمله save علشان ما تحتاسش حوستى لما افتكرت ان كل QR code بيفتح نهاية واحدة واقعد ادور على موبيل حد فى البيت 🏡 حد يدخلنى علي اللينك يا ولاد الحلال وطلع أنى كنت فى منتهى الغباء 😄🙋♀️
