الرواية دى ينطبق عليها الحمدلله انها جت على اد كده

المؤلف ابحقيقة ذل مجهود فى انه يقدم الفكرة و انه يقدم الشخصيات . الفكرة مش جديدة اللى هى فمرة الابطال الخارقيين و الصراع بين الخير و الشر زى فيلم kpop hunters

١-كان واضح رغبة المؤلف انه يضفى جزء من غموض الحضارة الفرعونية و يمزجها بالقصص اللى بتمثل   الصراع بين الملائكة و الشياطين بس كان واضح اكتر تخوفه من انه يكون فيه شبهة حرمانية فكان كل شوية يكتب "قوى فضائية" ، "عوالم أخرى"" ترددات "، "ذبذبات "و هكذا  .

و ده كان ليه تأثير غير ايجابى لانه مكانش عارف ينطلق بخياله فى القصة و لا يستخدم مفرداته بطريقة متناغمة .

٢- الشخصيات : الابعاد لكل شخصية غير واضحة يعنى شخصية على طالما هو كان محاط بالمستشاريين و أصحاب الخبرة فى مجال الاعمال ليه اشهر افلاسه و ليه خسر مجموعة شركاته و ايه اللى مميز عند على علشان يتم اختياره أصلا .

٣- شخصية ديمون المفروض انها شبيها لسوبر مان فى الزى الخاص بيها و بتحارب فى جانب الخير مع ان الاسم معناه شيطان ، نقطة غير واضحة .

٤-اللغة غير قوية  تفتقد للمفردات فى تكرار يعنى مثلا بيوصف الفترة اللى الشركة خسرت فيها "فتر عصيبة مرت بها طوال الفترة الماضية " . هنا الكاتب كان ممكن يبدل كلمة فترة ماضية بكلمة" سنوات"مش لازم ان الالفاظ تكون قوية و معقدة أد ما تكون متنوعة.

٥-العنوان لا يعبر اطلاقا عن الموضوع يعنى ايه الكرامات الخاصة بشخصية على ؟ يعنى كان ممكن يبقى اسمها صاحب الخطوة بدل صاحب الكرامات .

اخر نقطتين و هما بعيد عن الكاتب :١- الغلاف يدى ايحاء انها رواية كوميدية انما هى رواية فانتازيا .

٢-المراجعة اللغوية: يعنى أخطاء زى "عدمه" بدل "عمدة" ، "فرقة لا تهدف سوى ان تفدى نفسها بأرواحها" و هكذا

و أخيرا ، الفكرة جيدة و نية الكاتب طيبة  ، مع مجهود أكتر و تطوير فى الادوات، الانتاج حيتحسن