للأسف لم تعجبني بقدر ما قرأت سابقًا للكاتب.
- المميزات : إن التشويق والغموض موجود للنهاية والرواية عدد صفحاتها صغير وكالعادة الكاتب بيلعب على إنه يخليك دايما شاكك في الشخصيات للآخر.
السرد بالفصحى والحوار بالعامية فهي تصلح لقراءة خفيفة.
-العيوب :
الشخصيات متشابهة جدًا مافيش فروق بينهم نفس الأفعال وشوية بقت نفس الأسلوب متفهمة إنه جزء من الحبكة ولكن الحبكة نفسها ضعيفة.
الأحداث في البداية عشوائية جدًا ومتداخلة جدًا وكان عندي أمل البلوت تويست ترفع من معنوياتي شوية بس للأسف ماعجبتنيش.
أنا عارفة إن من أسلوب الكاتب إن الشخصيات بتاعته بترتحل في كتبه كلها بس أنا كنت عاملة حسابي أقرأ حاجة مختلفة فلما اتذكر المقدم هشام افتكرت الشخصية في سلسلة حلمي مهران وقولت إن شاء الله مش هيا وبعدين في النهاية اتذكر حلمي مهران ولقيت إن أسلوب الشخصيتين هنا مُشابه لبعض الأحداث في السلسلة.. فأين التجديد!
رغم إني ممكن أتقبل شوية كليشيهات في الرواية لو استمتعت بيها بس المرة دي كانت زايدة أوفر 🙄
كل الشخصيات الذكور أربعينية وسيمة ورياضية وكل النساء طويلات ممشوقات القوام شعور ملونة وعيون ملونة وبيضاء كالملائكة!
تو ماتش تشااااابه 🙄🙄🙄
كانت ختام قراءات السنة.. ربنا يسامحني 😶