📚مراجعة الجزء الثاني من سلسلة "ورد الحكاوي"

(چهرا)

چهرا" هو الجزء التاني من سلسلة وِرد الحكاوي، وبييجي بعد التاجر لما أفلس، بس المرة دي الكاتبة بتشدنا من إيدينا وتودينا ناحية شخصية مختلفة تماماً، شخصية نارها مش بس في أصلها… لكن في وجعها..

الجزء دا مش مجرد حكاية جن وعالم خيالي، هي حكاية عن الغضب والفقد والرغبة في الانتقام، وبعدين السؤال الأصعب:طب لو اللي كنا عايزين ننتقم عشانه طلع مش بالصورة اللي في دماغنا؟

الجزء دا الفانتازيا اللي فيه بنكهة المتعة مش الرعب او الخيال اللي بيغير الواقع، لأ هنا دمجته ف الواقع ودمجت "چهرا" الجنية بعالم الأنس.. لدرجة أنت نفسك هتحبها وتتفاعل معاها بكل مشاعرك.. إيمان الدواخلي في الجزء أبدعت ووسعت الحكاية وربطتنا بالشخصيات أكتر، وصفت الحكاية بشكل مس تقيل، بس كفاية يخليك شايف العالم ومصدقه.

📝الرواية قصيرة وده مخلي الإيقاع سريع ومفيهوش مطّ، بس في نفس الوقت تحس إنك كنت محتاج تقعد شوية زيادة جوه العالم ده.

🖋فكرة إن الرواية تبني نفسها على الانتقام اللي بيتآكل من جوه فكرة ذكية ومش مستهلكة، خصوصاً لما الانتقام مش موجه لشخص واحد واضح، لكن لعالم كامل (عالم البشر).

لكن المشكلة إن التحول من الرغبة العمياء في الثأر

لاكتشاف الحقيقةثم إعادة النظر في كل شيء جاي أسرع من اللازم، التحول النفسي لچهرا حصل آه بس ما اتبناش على صراع كافي يخليه موجع أو مقنع بالشكل الكامل، كان محتاج لحظات ضعف أطول شك داخلي متكرر، تردد حقيقي قبل أي قرار

🖋 اللغة والأسلوب: اللغة عند إيمان الدواخلي من نقاط القوة فصحى ناعمة جمل فيها روح حكاية من غير استعراض لغوي او فزلكة.. بسيطة وقريبة للقارىء

أكتر حاجة زعلتني كانت النهاية وحسيت انها جات بدري ولسا في أحداث تاني.. ومتحمسة للجزء التالت من السلسلة📚

#كتوبيا_للنشر_والتوزيع

#فنجان_ومراجعة_سلسلة_ورد_الحكاوي

#مسابقات_فنجان_قهوة_وكتاب