المشاركة التاسعة.. الكتاب الصوتي الرابع
إسم العمل.. الرواية المسروقة
إسم الكاتب..حسن كمال
مدة الرواية..٤٣٦ دقيقة
التقييم..٥
الرواية بتتكلم عن سلمي إللي بدأت تنتفض لنفسها وتعيش الباقي من حياتها زي ما هي عايزة..صحوة الأربعين ممكن!!!
المهم.. الرواية محيرة جداً بالنسبة لي إتعاطفت جداً مع الطفلة سلمي وحزنت على حياتها الصعبة وعيشتها مع أب جامد صعب يبين مشاهره وأم منسحبة من دورها في حياة بنتها...
بداية من موافقتها تسمي بنتها حلمي 😒لعدم ملاحظتها تعرض بنتها للتحرش سنين!!!
من وجهة نظري سلمي ضحية لطفولتها الغير سوية واللي وصلتله في حياتها من دمار كان بسبب تعطشها للحب وإنها تتشاف بس..كانت بتدور على نفسها وحد يحبها..
الرواية بتبين كواليس عالم الكتابة وأهمية السوشيال ميديا في الوقت الحالي في حياتنا...
الجروب بتاع أمجد ومالك وأميرة دول ناس موجودين في حوالينا بكثرة.. إللي هما عبيد مصلحتهم وبالعربي لا لهم في ثقافة ولا دين ولا قلة دين ولا غيره هما عايزين شهرة وفلوس ويخرجوا من وسطهم بأي شكل والظاهرة دي عشناها بكل تفاصيلها.-.الشخص إللي يظهر كداعية ونبص نلاقيه في مهرجان كان وبيتكلم على الأفلام الأمريكي وغيرها-..
الرواية فظيعة وبينت إن كل الناس بتلهث خلف الشهرة لدرجة الطبيبة تخون عملها!!
والزوج يبيع زوجته وووو...
بدون حرق أكتر.. الرواية عبقرية..
والغلاف بتاعها حلو جدا
#حصاد_العام
#أبجد
#فنجان_قهوة_وكتاب
#مسابقة_حصاد_العام_مع_أبجد_وجروب_فنجان_قهوة_وكتاب