الرواية عجبتني و لا لأ ؟ الحقيقة أنا محتار .. و طبعا ده رأي نابع من ذائقتي اللي مش شرط تناسب الكل، خليني هقول اللي عجبني، اللغة في الرواية ديه هي البطل، لغة مختلفة متعوب عليها و مكتوبة بسلاسة، فيها تشبيهات كتير حلوة، لغة شبه الطبقة الوسطي كدة، بنت ناس و متمرمطة فتراب الشوارع و النواصي، كانت نقطة تميز كبيرة، لكن فنفس الوقت كانت من اسباب صعوبة قراية الرواية، من كتر ما هي طاغية علي الاحداث و الشخصيات و السرد، فيه سطر ممكن يبقي فيه خمس ست تشبيهات لنفس الحاجة و ده كتير، انت قدامك حاجة حلوة بس جزعتك، كلنت محتاجة ترجع شوية لورا و تسيب السرد ياخد فرصته .. المشكلة اللي واجهتني اكتر ان الحكي عن الرواية لمجرد الحكي، انا مش عارف احنا رايحين فين و ليه، فده خلي انه سهل اقفل الرواية و مكملهاش لاني مش هفتقد حاجة، مافيش شخصية اتعلقت بيها او عايز اعرف مصيرها، مافيش عامل الجذب ده اللي يخليني كقارئ متورط مع الرواية، فبقيت اقفلها و ارجع بس عشان استمتع باللغة، ممكم تكون مش مناسبة لذائقتي، و هي رواية مرهقة فقرايتها، يعني فيه اجزاء الراوي العليم هو اللي بيحكي بلاقي فالنص مقطع علي لسان الشهصية بشكل محير ليا .. هي فالمجمل تجربة مختلفة و لغة ممتعة احب ارجع اقرا اجزاء منها تاني