إسم الرواية.. ليلي وفرانز

للكاتب (محمد علي إبراهيم)..

دار النشر ..العين

تاريخ النشر..٢٠٢٣

عدد الصفحات..٢٦٦

الرواية من كتر ما هي جميلة سحرتني لدرجة إني خلصتها كلها في جلسة واحدة رغم صعوبة الأحداث على قلبي ولأني بعيش تفاصيل الرواية وبشوف أحداثها بعيني كأنها فيلم مش جمل مكتوبة...

وقعت في حب شخصيات الرواية والمكان والعلاقة بين شخصياتها لدرجة كنت بتمني إن ليلي متسبش دندرة أبدا ولا تفترق عن الحاج محمد ولا عن صفاء...

حبيت حسن وتخيلت شكله من حبهم له...

بكيت على كلام العديد من صفاء وليلي ولمس قلبي

جداً...

من كتر ما عشت الحالة حسيت بكره لفرنز إنك أنت تيجي تاخد ليلي مننا!!..

كرهت تاليا من أول الرواية وحبيت تخيل الكاتب لها ومحاولته لجعل الفكرة فلسفية والتعايش معاها..

من كتر حبي لشخصية ليلي عقلي صورلي في آخر فصل إنها رجعت وإن يمكن ده كان حلم بتحلمه...

حبيت جداً حديث الحاج محمد مع ربنا والعلاقة إللي بينهم..وتقبله لكل شئ في الحياة وثباته الظاهري وقوة التسليم عنده..

ظهرت حكمته لما وافق بجواز بنته وسفرها بسهولة وموضوع الميراث مع أخوه...

لو بصينا لتقبله للأمور وتقبل ليلي هنلاحظ الفرق بين النضج والخبرة في الحياة وحداثة السن..

هو قابل الأحداث بالرضا

ليلي قابلتها بالتمرد....

الرواية جميلة وتستاهل خمس نجوم..

...

#حصاد_العام

#ابجد

#مسابقات_فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب