المشاركة السادسه.. الكتاب الصوتي الأول

إسم الرواية..النوم في حقل الكرز

الكاتب.. أزهر جرجيس

دار النشر..دار الرافدين للطباعة والنشر

عام النشر..٢٠١٩

مدة الرواية..٣٦٦ دقيقه

الراوي..حازم أبو المجد

إنتاج..أبجد

التقييم ..٥

بداية من إسم الرواية الجميل جداً إللي لفت نظري بشدة للعمل ده.. لآخر جملة فيها فالرواية عبارة عن عظمة حرفياً..

حسيت وأنا بسمعها بطوفان من المشاعر المتناقضة..ضحك وبكاء وكمد وخلط شديد بين الحزن والفرح..

الرواية عبارة عن حياة مهاجر عراقي.. وفي خلال رحلته بيقابل السوداني والمغربي والعراقي إللي كل واحد فيهم بيحمل هم مختلف رغم إن سبب الهم واحد وهو عدم احتضان الوطن لهم وغربتهم في بلدهم..

كلامه عن والده محزن جداً..

رحلته للعراق والتعذيب إللي شافه في الطريق وحديثه عن الطائفية هناك وازاي الناس بتتهان كان صعب جداً..

في أجزاء مكنتش بقدر أسمعها..

اتعاطفت جداً مع البطل وحزنت عليه بسبب الكوابيس المتكررة ووصفها الصعب جدا..

حزنت على تونا جداً قلبي وجعني عليها حرفياً...

قصته مع عبير حلوة..

كواليس هجرته وانتقاله وحصوله على وظيفة وشهادة لجوء فيها إللي يضحك واللي يحزن..

مش عايزه أحرقها أكتر من كده.. الرواية جميلة وبرشحها جداً للقراءة والإستماع..

وفي النهاية حابة أقول..

المجد للنائمين في حقل الكرز ♥️♥️♥️♥️....

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب