الرواية بصوت البطل عطتنا الحقيقة من منظار العالم الداخلي لرجل بيحمل كتير ألم داخله، شغنا كيف تعامل مع الألم وكيف حوله لحكمة. في الرواية السابقة نورا كانت أكثر بوحاً أو يمكن لأنه البطل هالمرة رجل البوح عنده يقف عند حد معين وبيكون مركز اكتر على النتيجة اللي حصل عليها والهدف اللي حققه اكتر من الرحلة نفسها وهالشي من طبع طاقة الذكورة. بس الرواية تكلمة رائعة للي قبلها، وبنصح بقراءة أسفار الأرواح قبلها. حلو كتر نشوف رحلة التشافي بعيون رجل ومش بس جزء التشافي لكن كمان شفنا الجزء اللي جمعه بتوأم روحه وهيدا التفصيل كان ممتع إلي انه اقراه من وجهة نظر رجل . متل العادة أبدعت رولا وحبيت تربيتها للدوائر السبعة ولفتني كتير واكيد اللي رح يقرا الرواية رح يعرف عن شو عم بحكي. بنصح الرجال يقروها.