الصيت ولا الغنى

كتاب النهاردة مش بيعلمك ازاى تبقي مشهور خالص لا بيقولك ان فيه حاجات كتيرة ياما لو ناوى تبقي مشهور 😁

الشهرة اصلا معظم الوقت بتوصل لناس مش بتدور عليها وفيه ناس بتعيش وتموت بتسعى وبتحاول وبرضو محدش بيعرفها

الشهرة اللى بتجى واحدة واحدة بتكمل وتطول مع صاحبها غير اللى بيوصلها صاحبها بسرعة الصاروخ علشان الاول بيكون عدى عليه عقبات وصعوبات كتير قدر يتخطاها طول المشوار والتانى لسه اول مرة يتعرض لحوارات ومشاكل الشهرة ومع الوقت هبدأ يعُك

عجبتنى فكرة ان فيه اختراعات خاصة بالأكل اخدت شهرة عشان تنضيفها اسهل من اختراعات تانية قد تكون احسن منها

وكمان فصل الحيوانات والشهرة لذيذ اوى وقعدت افكر ياتري فيه حيوانات بتجري ورا الترند برضو زى البنى آدمين وخناقات وحوارات بقي وسوشيال حيوانى وتواصل غاباتي وكده

خمس عشرة دقيقة من الشهرة فيما يعرف بالترند وده طبعا مش محتاجة امثلة ده بيعدى علينا يوميًا كذا مرة

مش لازم خطة عشان تبقي مشهور ممكن صدفة ممكن حظ وتكون اشهر واحد في مصر في دقايق

كمان مش كل ناجح مشهور بس اكيد كل مشهور في حياته جزء من النجاح والنجاح ده مش بيجى من التقليد الأعمى لازم كل انسان يكون مميز وعنده بصمته الخاصة

بعتذر عن الريفيو السريع بس مسحولة وبدأت المسابقة متأخر وان شاء الله اكسب يعنى انا محتاجة الفرحة تخش التاكس والله 🫣😁

اقتباسات الكتاب

❞ . فإذا أصرّ البعض على أنه كره للشهرة نفسها، فإنه على الأرجح كره من باب عداوة المرء لما يجهله أو لما لا يحسن التعامل معه، بحيث إذا ذُلّلت أمام ذلك الكاره العقبات تجاه ما يجهله لن يغدو ثمة مانع من أن يتعامل معه بحياد أو حتى بمحبة ظلّت مستترة خلف حُجب الخوف بدافع الجهل. ❝

❞ وهكذا فإن النجاح التجاري هو الذي كفل حديثاً بصورة واضحة شهرة منقطعة النظير لأدوات مثل طنجرة الضغط «بريستو» والمقلاة «تيفال» النجاح التجاري العظيم لمثل تلك الأدوات يعكس قبولاً جماهيرياً عريضاً لا يمكن تفسيره بمجرد أن الاختراع الجديد قد سهّل عمليات الطبخ على كل مستوى، فكثير من الاختراعات التي طُرحتْ للغرض ذاته لم تلق ما كان يطمح إليه مخترعوها من الرواج، والسبب قد يكمن في أمر طريف بدوره، فقد يكون الاختراع الجديد نفسه مدعاة إلى تيسير عملية الطبخ بالفعل، ولكن نظافة وصيانة الأداة المخترعة تكون معقدة أو مزعجة إلى درجة تجعل الاستغناء عن تلك الأداة خياراً أكثر سهولة من تبنّيها ❝

❞ ‫ “خمس عشرة دقيقة من الشهرة” أصبحت متجسّدة بما يقارب المعني الحرفي في فكرة “الترند” Trend، وهو ما يُطلَق على المنشور الأكثر متابعة في الوقت «الحالي» على أي من وسائل التواصل الاجتماعي أو المنصات الإعلامية (التفاعلية) الجماهيرية. ❝

‏

‏

#أبجد

#لوغاريتمات_الشهرة

#عمرو_منير_دهب

#اقتباسات_لوغاريتمات_الشهرة

#مسابقة_ريفيوهات_لوغاريتمات_الشهرة