لقاء جديد مع الأعمال المترجمة من السويد

القرية المفقودة رواية غموض و إثارة عن قرية اختفي كل سكانها فجاة ٩٠٠ نسمة هو تعداد أهل القرية اختفوا بدون أي أثر.

سيلفرشان المدينة المفقودة ياترا هيكون ايه شكلها بعد مرور ٦٠ سنه ؟

فريق بيقرر يروح القرية يصورها عشان انتاج مسلسل وثائقي عنها بس ده مش أي فريق الفريق ده فيه أسرار تخص القرية زي أليس اللي جدتها كانت من سكان القرية و عندها جوابات اخت خدتها اللي بتوصف تغير حال القرية بعد حضور القس الجديد للقرية.

ياترا الفريق هيشوف ايه في القرية اللي منعزله عن العالم و مفيش وسائل للتواصل شغاله بسبب المناجم اللي فيها؟

العمل جميل جدا و من الروايات اللي تحس أنها فيلم مش مجرد رواية مكتوبة و فيها مقومات نجاح و حصل فيها تنقل سلس جدا بين الماضي و الحاضر لكن في بعض التناقض لو كان اتعالج كان ممكن تاخد العلامة الكاملة و مستغرب فات ده ازاي علي كاتبة العمل.