#مسابقات_مكتبة_وهبان
#مسابقة_ريفيوهات_الألم_يحصد_الآن
هتكلم أولا عن غلاف الرواية شكله فعلا رائع ومعبر جدا عن حالة الرواية وحبكتها وشخوصها عجبني وشدمي من اول ما شوفته
ثانيا اسم الرواية تم اختياره ببراعة
بالنسبة للشخصيات بقى
نبدأ طبعا بشخصية أريج
للأسف انها ضحية أمها اللي حصرت حياتها كلها في جمال شكلها وخليتها عايشة بجمالها انه نقمة عليها بدل ما يكون نعمة، ضحت بشبابها واتجوزت راجل اكبر منها بس عشان فلوسه وضحت بإنها تكون أم عشان شكلها
اعتقد ان الشخصيات اللي زي كدة بيكون مصيرها الانتحار لما بتكبر وبتحس انه خلاص جمالها وشبابها راح
الشخصية التانية رضا 😔
انسان كان عايش حياته وراضي بيها مع اسرته الصغيرة وسعيد جدا وفجأة كل حاجة راحت منه في ثانية
رضا مع نرور الوقت بقى ضحية نفسه الأمارة بالسوء مقدرش يفضل راضي بحياته زي ما كان وده دمره ودمر ناس تانية كتير حواليه
بس فعلا من أكتر شخصيات الرواية اللي صعبت عليا جدااااا
الشحصية الثالثة غالية 😔
غالبة عاشت حياة من النقيض للنقيض للأسف
كامت متخيلة انها عايشة حياة مثالية بين أب وأم بيحبوا بعض وبيحبوها لكن صدمتها فيهم كانت أكبر من قدرة عقلها على الاستيعاب وده عمل عندها خلل في السلوك وخلل نفسب رهيييب كان محتاج علاج مكثف
الشخصية الرابعة هادي
أكتر شخصية صعبت عليا جدا لانه كات ضحية لمؤامرة قذرة وللأسف هو مش عارف ايه اللي حصله وقلب حياته كلها كدة وخسر حياته ومراته وبيته وظلم مراته وهي معملتش أي حاجة ولا ليها ذنب في أي حاجة وكانت ضحية زيه بالظبط 😔
الشخصية الخامسة سيف
سيف أثر عليا بصفة شخصية لان ابني متشخص بفرط الحركة بدرجة متوسطة ورفضت تماما انه ياخد أي علاجات مهدئة
ففي حاجة سيف هنا هو فعلا صعب عليا جدا لا أبوه قدر يستوعب حالته ويتعامل معاها صح ولا أمه عرفت تخلي بالها منه لانها كانت مدلعاه بزيادة
الاتنين مقدروش يتعاملوا معاه ويحاولوا يدوروا انهم ازاي يوجهوا طاقته دي لحاجة مفيدة
الشخصية السادسة زياد
الرجل الغامض بسلامته 😂
اول ما قرأت مشكلته فكرني بعلاء ولي الدين الله يرحمه وهو بيقول "أنا في الشدة شديد وفي القوة قوي اوي اوي" 😂😂
كل حاجة عنده لازم تتعمل زي ما الكتاب بيقول
الشخصية الأخيرة (مستر إكس)
مبدأيا كدة بكرهه جدا جدا جدا جدا
كانت شخصيته مفاجأة غير متوقعة خالص بالنسبة لي
حسيت وانا بقرأ كأن حد ضربني على دماغي من ورا ومشيها دماغي مش حاجة تانية 😂😂 اتصدمت فيه جدا ومش هقدر اكتب عنه أكتر من كدة عشان ميبقاش فيه حرق للأحداث بس نهايته كانت عادلة جدا ومرضية 🥰
في المجمل بقى لما تمسك الرواية هتقول دي رواية إلى خد ما صغيرة وتخلص في قاعدة
ايوة فعلا هي كدة لكنها رواية دسمة جدا ومليانة أحداث وحبكات نفسية صعبة محتاجة دراسة عشان تعرف تكتبها صح والكاتبة بصراحة قدرت تعمل كدة
حبيت اسلوبها في الكتابة جدا
فكيت بلوك القراءة المستمر معايا من شهور ❤️🥰
تسلسل أحداث الرواية جميل والنهاية بقى صاااادمة لكنها مبهرة ❤️
شكرا استاذة دينا على الرواية دي وان شاء الله موفقة دايما في كل كتاباتك 🥰