هو المرض النفسي ممكن يخلي حياة كاملة تتحول لجحيم؟"

اسم الرواية: كوابيس قبل النوم الجزء الاول

الكاتب: عبدالرحمن حجاج

الدار: دار الرسم بكلمات لنشر والتوزيع

طريق القراءة: ابجد

نبذه عن الرواية

الرواية بتحكي عن يونس، طبيب نفسي مشهور بيستقبل في عيادته حالات مختلفة، وكل مريض بيحمل أسرار وأوجاع نفسية عميقة. من خلال جلساتهم، بنشوف مزيج من الخيانة، الألم، الوحدة، الغدر، وعدم الأمان. الأحداث متشابكة كأنها مشاهد منفصلة لكن مترابطة بخيط واحد، وبتكشف رحلة صراع داخلي رهيب بين النفس البشرية وظلالها المظلمة.

رأيي في الرواية ✨

الرواية عجبتني جدًا، الرواية خلتني لأول مرة أعيش تفاصيل الأمراض النفسية بالشكل ده، فكانت تجربة جديدة وممتعة بالنسبة لي. حبيت أسلوب السرد والحوار جدًا، وكمان حبكة الكاتب اللي خلتني عايشة مع الأحداث من غير ما أحس. أكتر حاجة لفتتني كانت رسائل فان جوخ (فنسنت) لأخوه ثيو، حسيت إنها إضافة جميلة ومؤثرة.

بصراحة تجربة رائعة مع الأستاذ عبدالرحمن حجاج 🌹

اقتباس اعجبني

❞ ساعات بنشوف حاجات وبنفتكر إن هو دا اللي احنا عايزينه… بس بنطلع في الآخر غلطانين ❝