"حفر قناة السويس في رواية الأرض التي ملكت قلبي"

في قراءة اولى للكاتب "محمد المشد' وروايته "الارض التي ملكت قلبي" والصادره عن دار داون للنشر والتوزيع ياخذنا الكاتب الى رحله تاريخيه وفترة حفر قناه السويس ف القرن ١٩ ، وحكايه موسى اللي تعرض للسخره اربع مرات فداء لابي ومحاولة للدفاع عن شرف اخته ضد عمده ظالم

الروايه فكرتها حلوه جدا ،وطريقه السرد سهله وسلسه وفصولها قصيره الى حد كبير ودة خلى قرائتها سريعة بالنسبة لي، ولغتها كمان حلوه جدا كسرد

ولكن في مشكله قابلتني في الحوار بين الشخصيات انه مش مناسب لا للخلفيه الثقافيه لكل شخصيه ولا للفتره نفسها، يعني ما قدرتش اقتنع ان فلاح زي موسى ما لوش حظ ف التعليم يتكلم بالفصحى دي ولا ان حد فتوه يتكلم بنفس الفصحى، لان دي كمان مش طريقة الكلام ولا الكتابة وقتها

ده ما يمنعش ان الروايه نفسها ممتعه وبتغطي فتره تاريخيه قليل لما بنشوفها في الروايات، رواية سينمائية إلى حد كبير. ولكن ليها نقطة ضعف كبيرة بالنسبة لي

#رفقاء2025

#قراءات_حرة

#قراءات_يوليو

١/٣٣