مكتوب علي ظهر الرواية ان في روايات تُكتب لأهمية موضوعها، وروايات تُكتب لمتعة أحداثها، وروايات آخرى تُكتب لأنها تمثل تحديا للكاتب نفسه، وبيقول انه الرواية اتكتبت للثلاثة أسباب دول، بس في رأيى المتواضع برضو الرواية مكتوبة عشان نكتب وننشر رواية وخلاص حتى لو اي كلام، قصة مكررة بطريقة مملة، حتى الأسلوب مكرر، للأسف من كتر ما هي كليشيه مش قادرة أكملها جيت علي نفسي قولت يمكن ظلمها بس أنا تقريبا في نص الرواية وحاسة بملل وتكرار لحاجات كتير اوووي شفناها وقرأناها قبل كده كذا مرة، للأسف سيئة جدا بالنسبة لاسم كاتب معروف وليه روايات مشهورة ومسمعة اووي مع الناس.
١- مفيش اي متعة فالأحداث.
٢- قصة تقليدية عادية جداً غير هادفة.
٣- مفيش اي معلومة جديدة ممكن تضيفها ليك.
٤- حتى علي مستوي اللغة والأسلوب سيئة.
💥فالاخر ده طبعا رأيي الشخصي، ممكن تعجب غيري 😏