دي أول مرة أقرأ للكاتبة فجر سليمان زي ما قولت في مراجعة الجزء الأول، وكنت متشوقة جدًا خصوصًا بعد ما شفت ترشيحات كتيرة ومقاطع على إنستغرام بتشجع على قراءة الرواية. دخلت التجربة وما ندمتش لحظة، بالعكس خلصت الرواية بسرعة وندمت إني خلصتها بدري لأني مش لاقية حاجة تضاهيها دلوقتي.
أسلوب الكاتبة سلس، ممتع، ومشوق جدًا. عندها قدرة نادرة على اللعب بفضول القارئ وخلياني طول الوقت عايزة أعرف "إيه اللي هيحصل بعد كده". الأحداث متماسكة والشخصيات مرسومة بعناية، لدرجة إنك تحس إنك عايش معاهم.
فجر سليمان فعلاً واحدة من القلائل اللي يعرفوا يمسكوا خيوط التشويق للنهاية 👏.
وأتمنى من قلبي يكون في جزء ثالث، لأني مش جاهزة أودّع العالم ده بسرعة.