كان عندي فكرة كتاب ولما شفت اسم الكتاب ده والنبذة على الغلاف حسيت انه ممكن يكون هو نفس الفكرة بتاعتي

وعشان كدة اشتريته وقلت أشوف الموضوع متقال فيه إزاي

والحقية انه طلع بعيد خالص عن الفكرة اللي في دماغي وإن كان ملمس معاها في حاجات بسيطة

الفكرة في الكتاب ده إنه تجميعة لمقالات وتحقيقات صحفية في مجال المرأة خصوصاً إن كاتبته رئيسة قسم المرأة في صحيفتين فبطبيعة الحال ده شغلها وحبيت تجمعه في كتاب

فكل اللي يربط المواضيع ببعضها إنها إلى حد ما متعلقة بالمرأة وإن كان فيه مواضيع أصلاً عامة (زي الوشم مثلاً) بس نشرها في باب المرأة اداها طابع أنثوي أكتر وخلاها تتجمع مع المقالات والتحقيقات دي

المهم في النهاية إن الحمد لله ان الفكرة مختلفة لتظل فكرتي في رأسي إلى أن يأذن الله لها أن تخرج للنور امتى بقى معرفش يلا الله المستعان

#جرعة_أنوثة لـ #بسنت_يوسف

#جولة_في_الكتب #كتب_نوعية

#سارة_الليثي