كلنا مر علينا تقدميات لاختبارات
وبنعدى بمراحل قبول واستحسان
وما يمنعش نسمع كلمات من نوع ما
بتشيد بالأداء
وتقولك براڤو كمان 👏🏻👏🏻
ويبقى عندك خلاص يقين
انك الفائز بالposition الفظيع 💪🏻
أنت أنسب واحد له 👌
هما عليا مأكدين
لكن تيجى الـannouncement تكسر المجاديف
وتحبطك احباط هتقعد فيه سنين وماتعرفش تتجاوز الرفض وتشوف مكانك فى الآخر اللى اتوافق عليه
مش عارف تشيلها من الدماغ ولا من قدام عينيك
بتحوطك صور لعيشة غير… وتقول لو كنت مكانه اكيد الوضع معايا كان اختلف كتير..
اخفاقك فى شىء مش معناه أنك فشلت فيه
الدنيا ليها حسابات مختلفة فى امور كتير
واللى منعه ربك عنه أكيد فيه خير بس احنا ما بنشوفش غير بعدين..
عارفة صعبة حبتين وحطيت نفسى مكان " مارتن" وحزنت عليه واتعاطفت معاه وكنت عايزة أطبطب عليه وأقوله حاسة بك.. بس طولت يا مارتن فى الارتباط بتجربة الأداء اللى شقلبتلك الاحوال..
بس برضه عندك حق يادى الخيبة مش عارفة اصبرك ولا ايه 😄🤦🏼♀️
صعب التجاوز خاصة أن النجاح ساحق … عندك حق أكيد 🥺 ووجعت قلبى بـ " لماذا هو وليس أنا؟" خاصة لما تطلع من طفل صغير
بس هنعمل ايه c’est la vie تبقى فى ايدك وتقسم لغيرك 🤷♀️ واحنا عندنا concept الحمد لله 🤲🏻
الرواية ديه غريبة جدا جدا بالنسبة ليا 🤔
هتقولولى ليه 🤔❓
لأن قصتها خلتنى اتعلق بشخصية هاري بوتر اللى عمرى ما فكرت اتفرج على جزء واحد من أفلامه لأن الأجواء السحرية 🧙 بعيدة عن قراءاتى تماما ومشاهداتى كمان… لكن قصة مارتن وربطها بشخصية هاري بوتر وقصة مؤلفتها هتلاقى نفسك مسحوب للعالم ده وعايز تعرف الدور اللى مارتن بطل الرواية كان مرشح له وقسم لغيره فى الرواية ديه 🤷♀️
بس حقيقى بعيدا بقى عن هارى بوتر ومارتن هيل
الرواية لعبت على فكرتين حبيت تسليط الضوء عليهم من خلال القصة ديه
فكرة نظرتنا لحياة الغير وتمنى مكانه واحنا مش شايفين غير الشكل الظاهر من حياته وده ممكن يبوظ علينا حياتنا العادية اللى فى الاغلب هتبقى شايفها فاشلة علشان بتقاسها بنجاح غيرك … ما تبص فى ورقتك وتعافر للنجاح فيها 🤷♀️
وفكرة الرفض … مش معناها أنك غير محبوب أو مش مقبول بس فيه حاجة اسمها مش مقسوم..
فكرة الاخفاق ايا كانت فى ايه مش نهاية العالم وتسود الدنيا فى عينيك يمكن بكره يجيلك الخير فى شىء ماكنتش تحلم به..
بس كده وديه كانت رحلتى مع رواية #البديل
الترجمة جيدة جدا بسيطة وسلسة ملائمة مع اجواء الرواية العامة💙
#مكتبة_دنيا
#قراءات_٢٠٢٥