لوكاندة الجن /
الرواية دي اول رواية ابدأ فيها في ادب الرعب، الرواية صغيرة؛ ١٢٨ صفحة. تخلص فقاعدة واحدة.
الرواية السرد بالفصحى، و الحوارات بالعامية.
بداية الرواية كانت كويسة جدًا بالنسبالي.. القصة بتتمحور حوالين المحقق " أمير " واللي كان بيشتغل في التحقيق لمدة ٢٠ سنة. لحد ما حصل حادث مؤسف ليه خلاه يسيب الشغل .. بس فجأة بيجي شخص غريب بيساومه انه يحل قضية مقتل "رياض الأصلحي" بمقابل انه هيقوله مين مسبب الحادث المؤسف اللي حصله ..
هيوافق المحقق "أمير" و تبدأ رحلتنا مع أغرب تحقيق مزيج بالرعب، هنعرف عن موت رياض الاصلحي و ايه علاقته باللوكندة؟
تقييمي الشخصي: الرواية فكرتني بأجواء مسلسل سر غرفة ٢٠٧، بدايتها كانت كويسة بس حسيت في فصل كدا كان ممل بعدين الأحداث بدأت تحلو .. بالنسبة للنهاية حستها كانت نهاية سريعة، لو كانت الأحداث فيها تفاصيل اكتر كانت هتبقى احلى بكتير.. الرواية نفسها مخوفتنيش بصراحة، لو شفتها ك مسلسل واثقة انها هتكون أرعب بكتير.
كمان في تساؤلات بتدور في دماغي مش لاقيالها تفسير ..
زي قضية مقتل " رياض الأصلحي " ، مين اللي قتله🤔؟ سجايا طيبة ولا شريرة ؟ بداية اول الرواية مين المجرم ومين الضحية؟
.
#عبد الرحمن محمد حنفي
# ليلة في لوكاندة الجن