المراجعة السابعة

أسرع وأصغر كتاب في المسابقة 🤣🤣

مجموعة قصصية/ يعبر الزمن على دراجة

للكاتب/ حسين منصور

دار بيت الحكمة

عدد الصفحات /. 78على أبجد

المجموعة القصصية دي مختلفة فعلًا.. القصص مش طويلة، لكن كل قصة شدتني بطريقتها. في قصص كانت مشوقة جدًا، وفي قصص خوفّتني وخلّتني في حالة ترقب لآخر سطر.

الكاتب عرف إزاي يسيب علامة في كل قصة، حتى لو النهاية مبهمة أو مش واضحة قوي.. بس ده اللي خلاني أحب المجموعة أكتر، إن كل قصة تخليك تفكر وتسأل نفسك: إيه اللي حصل بالضبط؟

الكتاب صغير (78 صفحة) بس مشاعره كبيرة.. بعد ما خلصته حسيت إني محتاجة أرجع لبعض القصص تاني عشان أستوعبها أكتر.

الخلاصة: مجموعة حلوة ومشوقة، مناسبة لأي حد بيحب القصص القصيرة اللي فيها غموض ولمسة مختلفة.

#شغف_الكتب

#فنجان_قهوة_وكتاب

#شغف_الكتب_الموسم_الخامس