رواية تقراها كنوع من التسلية زى سناك بين اعمال دسمة خفيفة، سريعة ومش هنكر انك هتبقى متشوق

لكن كفكرة وتنفيذ ما أقنعتنيش ولا حسيت بأى منطقية فى الأشخاص تحس مفيش حد فيهم ماسك الدور كويس

محدش لايق على مكانه ولا بيأدى دوره مظبوط

بداية الرواية ملهاش علاقة بباقى الأحداث

ومش هتفهم ايه سر الدخلة ديه حتى لو وصلت للنهايات

بدأت ما ورائيات و thanks god أنها قلبت جريمة علشان ماليش فى أجواء الماورائيات

النهاية بقى مش محتاجة اتكلم عنها

نهاية غريبة ومبتورة أو زى ما بيقولوا مفتوحة نسيبها لدماغ القارىء وده على ما اعتقد بالنسبة ليا مش مناسب فى روايات الجريمة بيبقى القارىء محتاج يقفل ملف القضية مش هنقيدها ضد مجهول ونسيبها للظروف !!!

ده غير الدافع للجريمة المريب اللى حسيته مزقوق على الرواية بشكل غريب…

زى ما قولت لو هتقراها كنوع من التسلية وتقضية وقت مع رواية جريمة تمام مش هتضايق منها ولا هتركز فى تفاصيلها

لكن لو انت من النوع اللى غاوى روايات جريمة ومتمرس فيها فأكيد هتلاقيها مش مناسبة ليك

أو يمكن تكون تناسب فئة عمرية أصغر منى حبتين ثلاثة كده 😊