ظهر الحوت
تجربة للنسيان مع بتاع الرعب
من مدة كبيرة و أنا كنت عاوز أقرأ للكاتب محمد عصمت و اما جيه الوقت مع نزول الرواية في مسابقة أبجد قررت أجرب.
الرواية بتبدأ بمشهد في طفولة سعيد و هو في المصيف و بيتوفي اخوه و بنشوف حدث ماورائي بيحصل ثم بيغمي عليه و بنتنقل فجاة ل سعيد فرد الأمن و هنا ده من أول عيوب الرواية لاني حصل فجوة زمنية كبيرة مفيش اي معلومات عن دراسة سيد و مستوي تعليمه و ايه وصله انه يشتغل فرد أمن، و ده كان مؤثر و مهم معانا لأني العمل بيدور كله في مكان واحد و هي قرية في الساحل الشمالي و سعيد هيتقمص دور المحقق و شوية بنشوف سعيد غبي و ساذج جدا و علي نياته و شوية بيقلب ضابط مباحث خبرة في قضايا القتل !
مع اكتشاف الجثة و اختفائها سعيد بياخد جولة يطئمن علي العدد البسيط الموجود في القرية في الوقت ده من السنة ،شخصيات مختلفة و متناقضة و اغلبهم مرضي نفسين و بيهربه من التعامل مع الناس و عايشين في حالة انعزال .
لكن خليني اروح ل المالك خليل حاتم بعد ما سعيد بيبدأ يدور وراه و بيشوفه بره الشاليه و بيكتشف انه كان بيحاول يمارس بعض الطقوس للتواصل مع الموتي و هنا حته ماورائية كمان طب عندنا مرتين تمهيد لده ليه ده كان بره التحقيق في الجريمة و خصوصا اني العمل مفيش تدخل فيه للشرطة! كان ممكن الدمج و ننقل العمل لمستوي أعلي و حبكة اقوي.
نرجع تاني للمحقق سعدة و هو بيدور وراء الدكتور حازم علي الفيس بوك و فجاة و بيحب واحدة اسمها ليلي من صورتها و هنا فجاة حسيت أني بتفرج علي فيلم واحد صعيدي ل محمد رمضان .
بمساعدة مستر كريم بيقدر يوصل لمنشور بيفضح الدكتور حازم و هنا كمان في خيط كان ممكن نعقد بيه الحبكة اني حد من المجموعة دي او المجموعة دي اخده القرار بالانتقام منه بدل قصة مريم اللي مش مريم اصلا، و مش قادر اتقبل قبولها للعلاقة مع حازم حتي و ان كانت في حالة اكتئاب.
طبعا وقع مريم بلسانها انها كانت بتروح الجيم ال كلاس A و اللي فيه كيكي كان ممكن تتشال عشان نحافظ علي الحبكة لحد اخر مشهد .
نيجي بقي للنهاية المفتوحة و الناقصة كتير كان محتاجين نعرف موتتهم ازاي و خصوصا اني كان باين اني الشالية حصل فيه مقاومة بنهم ،و مش هقف عندها هل هتهرب طب و لو هربت كريم هيسيب حقه طب سعيد اعد يسمعها و سايب الراجل عايش و بيطلع في الروح ننقذه و بعدين ناخد الفلاش باك، ولا ضمير سعيد هيفضل صاحي و يبلغ رغم اني الدكتور يستاهل اكتر من كده .
مراجعة العمل اللغوية اعتقد محتاجه كمان اعادة نظر فيها.