رايت السلسلة في معرض مكتبة الإسكندرية وجذبني التصميم والغلاف وقررت القراءة عبر أبجد

والان وبعد قراءة العدد الأول من السلسلة ممكن نتكلم عن العمل.

من الصعب جدا تصنيف العمل على إنه سلسلة قصص مثل لاشين أو رجل المستحيل أو ما وراء الطبيعة ولكنها اقرب لحلقات روائية تنتمي للفانتازيا بمعنى أن السلسلة هي أقرب إلى رواية كبيرة تم تقسيمها إلى مجموعة حلقات أو روايات مثل هاري بوتر مثلا مع الخلاف طبعا.

وجود عشرة اعداد من السلسلة هو أمر مبشر ودليل على نجاح السلسلة.

اللغة جيدة جدا والحوار مثير وجذاب وعندنا بعض الأخطاء الإملائية للأسف لكنها غير شائعة في العمل

الفكرة إلى الآن جيدة والعدد الاول طرح العديد من الأسئلة والاستفسارات ولم يقدم أي رؤيا أو صراع.

سوف نواصل القراءة ولعل الأجزاء التالية تحمل المزيد من التشويق وتقديم صراع متوازن.

#أحمدمجدي

تعديل

رحت جناح دار نشر في معرض مكتبة الإسكندرية، ولقيت سلسلة اسمها "العصفورة الحمراء". أول حاجة شدتني كان الغلاف والتصميم، فعلاً شكلهم مغري يخليك تمسك الكتاب من غير تفكير 😍

سألت عن السلسلة، وعرفت إنها وصلت لـ 8 أجزاء. قلبت في الجزء الأول عشان أشوف نبذة أو مقدمة… للأسف ملقتش غير خريطة للعالم الخيالي بتاع الرواية 🗺️.

بس قلت ماشي… خليني أديها فرصة واقراها، خصوصًا لما اكتشفت إنها موجودة كاملة على تطبيق أبجد 👏

لحد هنا تمام لكن المفاجأة بقى إن السلسلة مطلعتش سلسلة مستمرة أو ممتدة ومفيس العدد 9 أو عشرة وإن كل عدد عبارة عن جزء.

يعني السلسلة مش قصص منفصلة زي "لاشين" أو "ما وراء الطبيعة"، لأ… دي رواية واحدة طويلة متقسمة على 8 أجزاء.

يعني لو بدأت، لازم تكمل كل الأجزاء عشان القصة تكتمل عندك.

وطبعًا يا بخت اللي عنده أبجد، لأن سعر النسخة الورقية للجزء الواحد 130 جنيه… يعني السلسلة كلها ممكن توصل لـ 1000 جنيه 😅📚

أنا قرأت الأجزاء واحد ورا التاني، وبصراحة الحكاية شدتني جدًا ✨.

أنا قرأت جزء ورا جزء، وبصراحة الحكاية شدتني جدًا، كنت متحمس أعرف مصير الشخصيات وإجابات الأسئلة اللي بتظهر في كل حلقة. الرواية شيقة جدًا ومناسبة للناشئة أو لأي حد بيدور على فانتازيا بسيطة ومش معقدة.

📌 الإيجابيات: الحوار ممتع وخفيف، السرد عاطفي وملهم، والحبكة معمولة بحرفية، وفيها بلوت تويستات حلوة جدًا.

📌 السلبيات: الوصف ساعات بيطوّل أكتر من اللازم وبيكون ممل شوية.

لكن في العموم… التجربة كانت ممتعة جدًا. واللي بيدوّر على رواية فانتازيا مختلفة ويحب يخلص سلسلة كاملة… "العصفورة الحمراء" تستاهل القراءة 👌

المفاجأة بقى إني لقيت إن السلسلة عبارة عن إعادة نشر لثنائية كانت صدرت قبل كده عن دار نشر مختلفة وده خلاني مستغرب جدا جدا.

#أحمدمجدي