كان كل أملها بيت 🏡 تعيش فيه

وسط أهل يحتوها ويخافوا عليها

"نسيم " بين يوم ليلة لقيت نفسها يتيمة

بعد حادثة فظيعة حصلت لأهلها ملهاش يد فيها

وطلعت منها لوحدها سليمة

وطبعا لصغر سنها مش فاكرة أى حاجة عن اللى حصلها..

غير قسوة مرات عمها

طيب ايه ذنبها

أكيد مش قاصدة تلقح نفسها عليها

تعمل ايه ما هى بقيت يتيمة

مفيش غير خالها يقدر ينجدها ومن أزمتها يطلعها

ويمكن فى بيته تتحسن حياتها ونفسيتها

وتلاقى الونس والدفء العائلى اللى اتحرمت منه

كان نفسها تلاقى مكان وسطهم

مش تطفل ولا فرض

لكن بالحب والود

وتنشأ صداقة قوية بينها وبين ابن خالها

كانت بتشوف فى يوسف الأخ والصديق

لكن خد بالك مش شايفاه حبيب 😏

👇🏻👇🏻

📌الحديث عن أهمية يوسف يا حلا لا ينتهي، هذا الرجل به شيء يخصني، لم أره حبيبًا في يومٍ، لم أقلق حيال نظراته لي، تمنيت كثيرًا أن أختبئ من اليتم بين ذراعيه لكن ليس كرجل وإنما كأخ، كصديق. لو نظرت ليوسف كرجل ما اقتربت منه مطلقًا يا حلا.

للاسف من خيبتها بصت للى مش عارف يبقى صديقها شاف فيها فقط الطفلة البريئة اللى اتربت على أيديهم وفيما بعد الست المناسبة اللى من خلالها هيرسخ نظرية التجذر اللى مسيطرة عليه هو والست الوالدة 😏 👇🏻👇🏻

📌الرجل كالسهم، لا يتوقف إلا عندما يصيب الهدف الذي انطلق من أجله. إن كنتِ سببًا في عرقلة خططه لاستحالة تحقيق هدفه، سيركلكِ بعيدًا عن مساره، ويكمل كالثور الذي استفزه مصارعه فأصابه العمى ولم يبصر سوى الانقضاض على هدفه.

بس بقى وعندك يا سيدى هتشوف نسيم الأمرين

بين تعلقها بالصديق وارتباطها بالحبيب المريب 😁

ويزيد عليهم السر اللى فضل مكتوم سنين 🤫

📌أنا ملعونة، أسير بنيران عالقة في طرف فستاني تنشب بكل من يقترب مني، أخشى عليكِ منها، لكن ماذا أفعل لكي أنجو، لا بد وأن أتحرر.

رواية اجتماعية درامية يتخللها رومانسية مش لايقة عليا بس حبيتها كتير عارفين ليه علشان اولا كتابتها حلوة ولغة الكاتبة قوية، تعبيراتها ووصفها راسى كده وتحس له هيبة صحيح حصلى بعض التخبط فى البداية وحسيت أنى مش فاهمة حاجة لكن لما اندمجت لقيتنى مسحوبة سحب 💙💙

📌فى النهاية أدركت أن أكثر شيء تريده وتشعر أن الحياة متوقفة عليه هو افتتاحية سلسلة خساراتك.

#مكتبة_دنيا

#قراءات_٢٠٢٥