"قلب الجحيم...وعودة لقراءات إعدادي وثانوي"
انا من الناس اللي كانت بداية قرائتها مع د.نبيل فاروق الله يرحمه، تحديداً سلسلة رجل المستحيل وكان أدهم صبري الكراش الاول ف حياتي 😊، فاكرة كويس جدا اني كنت بشتري العدد من المكتبة الإسلامية وارجغ أبدله ب ربع جنيه "بس لازم يكون العدد سليم 🙂"، ابدل مع صحابي والعدد اللي مينفعش افوته اسيبه عندي وارجع اشتري واحد جديد عشان التبديل
ومن اول م تطبيق أبجد نزل رواية ل د نبيل لقيتني رجعت بالسنين ورا وعنيا عملت كدة 😍، كل اللي افتكرتع فرحتي بالكتاب الجديد...حتى لو مش أدهم صبري...بس من ريحة الغالي والزمن الهادي
ف رواية "قلب الجحيم" من سلسلة "الفريق صفر" بنشوف إعادة تشكيل الفريق الغير رسمي واللي مكون من ٤ أفراد قائدهم خالد ، اللي بيتطلب منه تحرير مهندس مصري تم اختطافه ف العراق ومطلوب فدية كبيرة، الغرض مش مجرد تحرير المهندس ..لا كمان الحفاظ على هيبة بلد متقبلش ترضخ لمختطفين...ياترى هتكون نهاية الجزء دة إيه ؟؟
مش هتكلم عن السرد ولا التشويق لأن دة اساسي...هقول بس اني قريت بطعم السعادة ..وساعتين بالظبط كان العدد خلصان ❤️
#رفقاء٢٠٢٥
#قلب_الجحيم
#قراءات_حرة
#قراءات_اغسطس
١/٢٥