#ساحرات_پندل
#ستاسي_هولز
ترجمة #مني_فهمي
دار النشر #ملهمون_للنشر_والتوزيع
فى زمن الساحرات
والحكم عليهن بالنفى والسجن والتعذيب فى بعض الأحيان
تنشأ صداقة من نوع جديد بين فليتوود وآليس قابلة غريبة الطباع لكن قلب فليتوود ارتحلها من غير أسباب
صداقة تبان مصلحة فى البدايات..
لكن هتتقلب لراحة ووفاء وتضحية لو لزم الأمر كمان
هل ممكن تآمن يبقى ليك صديق مختلف عنك فى نشأته وتربيته والمعتقدات والممارسات اللى اتربى عليها..
هتقول بدل هو فى السليم ومش بيأثر عليا يبقى واى نوت … ما احنا بشر وبينا اختلافات كتير فى طريقة التفكير .. طيب لو عرفت أن صديقك من بيت معروف بممارسته السحر هتكمل معرفتك ولا هتفك 🤔
جينا بقى للكلام اللى يصحى الدماغ ويخليها تروح يمين وشمال … هتفكر !!! هتفكر أكيد لو نحيت العواطف شويتين بس هترجع وتقول ما هو طول الوقت معايا جدع وأصيل ووقف جنبى فى حاجات كتير مالى ومال عيلته المتشيطنين 🤷♀️ وهو من أفعالهم برىء
بس اللى حواليك شايفين أنك مختل أكيد ابعد عن السحر والساحرين مش هينوبك منهم غير تتقلب قرد 🙉 بسلسلة حديد 🥺
لكن فليتوود شافت آليس بقلبها مش بعقلها على رأى أحمد فهمى 😄أنها غير الباقيين وأنها اتحطت ظلم فى وسط ساحرات پندل المطلوب تسليمهن للمحاكمة حتى لو ماصدرش منهن أى أعمال…
بس آليس كانت طوق النجاة هى الوحيدة اللى ساعدت فليتوود فى حملها بعد ما فشل كثير من الأطباء …
فليتتوود لقيت فى آليس اللى ملقتهوش فى حاشية قصرها.. ولا حتى فى زوجها وأمها.
لقيت معاها الاطمئنان وده اللى هيخليها تسعى لإظهار براءتها من تهمة ممارسة السحر.. بس ياترى هتعرف تتصد لكل الناس 🤔
أجواء كلاسيكية مكتوبة حلوة الصراحة وكمان مترجمة حلو 👌هتتخيل قصر چوثورب والشخصيات بتحركاتهم ولبسهم وطريقة كلامهم… هتحس أنك ماشى معهم فى أجواء أوروبية ريفية وسط الحقول والزراعات اللى محاوطة القصر والطرقات … حبيت الحالة اللى عيشتنى فيها وحبيت صداقة آليس وفليتوود…
تجربة كانت لطيفة واستمتعت بها 💙
#مكتبة_دنيا
#قراءات_٢٠٢٥