"عليكِ أن تصدِّقي أنَّكِ تستحقِّين الحياة كي تجدي القوَّة لاستعادتها من جديد" . 

معاناة الستات في المجتمعات الشرقية و حرمانهم من أبسط حقوقهم ممكن تكون فكرة مكررة اتناقشت في اكتر من رواية..

لكن الجديد و اللي شدني في "ميثاق النساء" هو عالم الدروز و تفاصيله و قواعده اللي كنت قبل الرواية دي اجهلها تماما ..

عجبتني لغة الرواية المختلطة مابين الفصحى و العامية القروية اللبنانية لأنها دعمت الاندماج مع مجتمع الرواية و زودت الواقعية..

اسلوب الكاتبة جميل وقدرت تعبر بسلسة عن سلوكيات انسانية معقدة زي شعور الستات المتناقض ناحية الأمومة ما بين انها عبء و مصدر قوة في نفس الوقت!

بالنسبة للشخصيات بعضها رُسم بعناية زي الشخصية الرئيسية (أمل) اللي كان واضح على ملامحها آثار الصراع اللي دايما عايشاه ما بين المفروض و الحياة اللي نفسها فيه فأصبحت باحثة عن الذات لكن أنانية و مضطربة تايهة بين تساؤلاتها .. و شخصية حامد نموذج التوازن في حياة امل بعد اضطرابات كتير ،، و كأنه دخل حياتها عشان يحررها من كل الضغوط الاجتماعية و الدينية لكن بشكل ناضج نوعا ما..

للأسف باقي الشخصيات صياغتها مكنتش احسن حاجة!!

فمثلا نلاقي شخصية محمود المريبة اللي ظهورها واختفاءها كان غير مفهوم !!

التحول المفاجئ في شخصية الأخت و الاب كان غريب و مش منطقي!!!

انسحاب جاد و سالم في النهاية و استسلمهم للأمر الواقع مش متناسب مع الهيمنة الذكورية اللي مسيطرة على أجواء الرواية!!!

شخصية الام مربكة!! تايهة بين البساطة ، الخضوع و التفلسف!!

بشكل عام الرواية حلوة و تنفع ككتاب لأي حد حابب يتعرف اكتر على مجتمع الدروز