مع مرتبة الشرف
عمرو حسين
❞ قِيل قديمًا: إنَّ مشوار الألف مِيل يبدأ بخطوة. ما لم يقُله لك أحدٌ: إنَّ هذا المشوار لن يتم أبدًا إلا لو جاءت تلك الخطوة في الاتِّجاه الصَّحيح. ❝
---------------
السعي المستمر وراء النجاح وتحقيق الحلم ،عمل دؤوب ليل ونهار للوصول للنهاية في رحلة ممتعة فى جنبات حياة وليد أبو المكارم الإبن الذى شذ عن قاعدة حمل لقب (دكتور) لتحقيق لقب ( المهندس) والخروج عن المألوف فى كل شىء .
أخذنا الكاتب فى رحلة سريعه ومشوقة أعجبت جدا بالسلاسة السردية على مدار الأحداث .
اللغه سلسة وبسيطة مناسبة جدا للسرد ، فكرة إن الرواية كلها على لسان البطل كانت مميزة ومريحه جدا فى تكملة الأحداث بدون حدوث ملل .
الفكرة كانت متعتها فى سلاسة السرد الى كان عليه عامل كبير جدا فى عرض قصة حياة شخص بتتكرر كتير قدامنا لكن المميز فى طريقة العرض .
فضولي قتلتنى بصراحه طول الأحداث عايزة اعرف فين النهاية وصل وليد لإيه نجح ولا لأ .
السلبية الوحيدة من وجهة نظرى كنت افضل أعرف معاناة كل الأفراد خاصة الأب ،الأم الى كان موتها مش مفاجئ للبطل بس دا ليا أنا كمان ،مروة ،وسام كان ممكن تاخد تفاصيل أكتر فى حين كان تركيز الكاتب ع شخصية البطل الرئيسى بكل تفاصيله. أنا استمتعت بيها جدا، تفاصيل صراعات وليد وقراراته وحيرته والجهد المبذول فى السعى أنا أعصابى تعبت ليه ،كل دا خدم العمل جدا إنه مافيش ملل وحجمه صغير خلصت منى فى يومين .
النهاية كانت مستحقة لشخص بمجهود البطل وكان عندى فضول الخطوة المستقبلية اى ؟!حياته مع وسام ،مع جامعه القاهرة ؟!هيختار أى طريق يكمل فيه ؟!
علامات استفهام كتيرة اتحطت فى دماغي بسببها .
المجمل من العمل روعه السرد (رهيب) .
#مسابقة_ريفيوهات_مع_مرتبة_الشرف