انا قرأته لما لقيته واخد ٤.٤، لكن في النهاية صراحة حساه ميفرقش عن كتابات الwattpad.... منكرش انه ما يطلق عليه 'page turner' يعني يخلص في قعدة او اتنين، لكن في النهاية كل الرسايل اللي فيه خاطئة، يعني الام مثلا.. اصلها مشاركة في الغلط.. ازاي مشاركة؟ واحد بيشك فيها ومتحكم فيها وطابق علي نفسها وبيطلقها في الرايحة والجاية يعني حاجة في منتهى الإهانة وبعدين لما انفجرت بعد ١٠ سنين بقت مشاركة في الغلط.. ايه العبط ده؟ والتانية جوزها ابن أمه وسلبي ومعندوش أي قدرة علي إدارة بيته ومبيدافعش عن مراته يعني صفر رجولة، وفي الاخر تقولك أصله طيب لما بيبعد عن أمه؟!! طيب ايه وبتاع ايه، فين المهارات الحياتية بتاعته أصلا كراجل يدير بيته ده وهو اكبر منها ب ١٣ سنة؟ تاني، ايه العبط ده؟؟ ولا فكرتها عن الراجل اللي محصلش 'يحيي' راجل قماص ومراته تكلمه ميردش عليها عشان زعلان، المفروض حتي لو مش طايقها أنت الراجل ترد عليها عشان هي ممكن تكون محتاجاك! أنت الراجل نقطة، والمفروض مراته ومش عارف يتناقش معاها ولا يحتويها. هل دي كلها أمثلة موجودة في المجتمع؟ اه موجودة، لكن دوري اوضح انها غلط مش اقول اصل الست غلطانة زيها زي الراجل...