🏷️رواية:- صالون الغريب

🖋️كتابة:- يحيى صفوت

🖇️ياترا إية اللي ممكن يحصل لو عديت من نفس الطريق سبع مرات من غير ما تكسر الحلقة دي 🫣

الحكاية بتدأ مع فتحي مهندس شاب في بداية حياته بندرك من أولها قد إية هى مأسوية، إلى أن فى لحظة بيكرر يرمي كل حاجة عرض الحائط عشان يلتقي بالنقطة الفاصلة التي تنقلب بسببها حياته رأسًا على عقب "عم غريب الحلاق"..

و هنا تحضرني جملة شهير لأسطى غريب و هى " أنت ليك عندي يا مسيو سبع حكايات .."

هل تعرف فتحى على غريب مجرد صدفة أم أنه مخطط مدروس من البداية؟

ربما هذه مجرد فكرة من وحي خيال الراوي أم نحن مجرد ألعاب يتلاعب بها الكاتب في روايته؟

كل دي أسئلة هتعرف إجابتها جوة الرواية و خلينا نقول #review ..

🖇️مبدأيًا تاريخ شخصيات عبقري و مدروس و حبكة درامية في قمة العظمة ، الرواية لا تتجاوز ال250 صفحة لكنها من أجمل روايات الرعب النفسي اللي قرأتها في الفترة الأخيرة ..

كل خط زمني في الرواية دي مدروس صح بشكل مليان تفاصيل بدون ملل نهائياً ..

🖇️الغلاف حدث و لا حرج حرفيًا و لا غلطة ، مادة خصبة لتخيل بوابة العالم اللي الكاتب عاوز يدخلك فيه ..

🖇️أخيرًا حابة أشكر الكاتب عن الدائرة المغلقة اللي دخلني فيها بشكل نفسي بحكاياته و اللي لازلت بحاول أفهم أنا ليه لسة جواها حتى بعد ما خلصت الرواية..

هي حاجة كده محستهاش من أيام عدد حلقة الرعب الخاص بسلسلة ماوراء الطبيعة للعراب رحمة الله عليه 🔥♥️

🖇️أي حد بيحب الرعب النفسي و السحلة و محتاج يتسحل و يفصل يقرأها و بجدارة 👌🏼

⭐️تقيمي لرواية 5/5 و نجمة طبعًا