يقولون من يذهب الى دهب عقله ذهب

بس الحقيقة إن في الرواية دي دهب مش بس مدينة ساحرة،دي كمان هتكون مسرح لجريمة أو يمكن نقول جرائم

او سمعت مقولة "هخلي الدبان الأزرق ما يعرفلكش طريق جره"" عبارة أو مثل شعبي يُستخدم في سياقات مختلفة يشير إلى أن الذباب الأزرق الذي يتمتع بالقدرة على التعرف على الجثث أو الجرائم من خلال رائحة الدم أو المواد المتحللة مما يتيح تحديد مكان الجريمة أو الجثة

بلاغ يصل إلى المقدم عاصم من ندى باختفاء صديقتها ايما ثم تحدث جريمة قتل فايزة و وبتفتيش منزلها يعثر على مصوغات ذهبية ليست لها ولكن لثلاثة نساء مختفيات الدكتورة دلال و روز و ايما صديقه ندى ويصبح هناك ثلاث نساء مختفيات، والرابعة مقتولة

ويحاول المقدم عاصم أن يجد حل تلك الالغاز وخصوصاً مع كثرة المشتبه بهم وتنكشف الالغاز لغز تلو الآخر حتى المفاجأة يكون القاتل اخر شخص تتوقعه ابدعت الكاتبة فى وصف الاماكن و مدينة دهب الساحرة والأماكن المميزة

حسيت إني ماشي في شوارع دهب و اماكن مثل البلوهول و منطقة الثرى بولز و محمية ابو جالوم

ذبابة زرقاء مش مجرد جريمة دي رواية بترسم خريطة غموض على خلفية من دهب وجمال لو بتحب الإثارة والتحقيقات، والنهايات اللي تقلب توقعاتك يبقى الرواية دي لازم تكون في قائمة قراءاتك الجاية

الأسلوب سلس الشخصيات مرسومة كويس والتشويق عالي جدًا

الغلاف لوحده يحكي قصة تصميم بسيط لكن ذكي جدًا، بيشدك فورًا ويخليك تسأل: إيه الحكاية؟

الذبابة الزرقاء

موضوعة بوضوح على ركن الغلاف وملطخة بالدم، وده رمز عبقري الذبابة الزرقاء معروفة في الطب الشرعي بقدرتها على كشف الجثث المخبأة أو المتحللة، وده بيربط الغلاف مباشرة بفكرة الجريمة والتحقيقات

العلامة الخشبية

في الجهة اليمنى نشوف لافتة خشب بأسماء أماكن حقيقية في دهب، زي

البلو هول

محمية أبو جالوم

البلو لاجون

وجود الأماكن دي بيربط الغلاف بالمكان الحقيقي اللي بتدور فيه الأحداث وبيضيف إحساس بالواقعية، وكأنك رايح رحلة استكشافية في دهب بس فيها جريمة

الخلفية الزرقاء

تعكس الهدوء والجمال الطبيعي لدهب، لكن لما تحطها جنب مشهد الذبابة والدم بيبان التناقض بين "الساحر" و"القاتل" في جو الرواية

الخط الأحمر في العنوان

لون العنوان مش عشوائي الأحمر الداكن يوحي بالخطر والدم، وده بيزود التوتر البصري