القرآن نسخه شخصيه

الكتاب ده كان بالنسبة لي رحلة روحانية جميلة وعميقة مش بس من خلال رؤية الكاتب لكن كمان من خلال طريقة عرضه اللي حسّيت إنها بتمثل مشاعري أنا شخصيًا.

أحمد خيري العمري ما قدّمش تفسير للقرآن بل قدم تأملات شخصية

دي مش أول مرة أقرأ له قبل كده قريت كريسماس في مكة وأثرت فيّ جدًا لدرجة إني تمنيت أزور الكعبة والحمد لله ربنا كرمني فعلاً بالزيارة.

في القرآن نسخة شخصية شدّني أسلوبه السلس في الكتابة واختياره للعناوين اللي كانت فعلاً مدخل جميل لكل سورة.

من أكتر الحاجات اللي لمستني وصفه لسورة آل عمران على إنها سورة جبر الخواطر

الكتاب مناسب جدًا لشهر رمضان خصوصًا مع قراءه القرآن في نفس الوقت لأنه خلاني اعيش مع المعاني بطريقه أعمق و كان نفسي انه يكمل بقيه الثلاث اجزاء الباقيين وبصراحة حاسّة إني ممكن أرجع أقرأه مرة تانية.

تقييمي ٥/٥

"دومّا هناك فرعون ما بأسماء مختلفه وأشكال و دومّا هناك بنو إسرا.ئيل أيضًا بأسماء مختلفه و دومّا هناك محاولات إصلاح من قبل البعض و دومّا هناك محاولات لمحاربه هذا الإصلاح و دومّا هناك من يدعيوأنه يصلح بينما هو يفسد في الحقيقه"

"هل هو التاريخ يكرر نفسه؟ أم هي الطبيعه البشريه تقع في نفس الأخطاء مرة بعد أخري؟"

"أهم علاقه يمكن أن تحصل عليها في حياتك هي علاقتك به عز و جل "