مش عارفة اعملها مراجعة كاملة، بس هقول على انطباع بعد ما قعدت شوية وراجعت الأحداث وكل حاجة في الرواية حرفيا.

الرواية فيها كذا تصنيف في وجهة نظري، يعني مش جري...مة اللي غالبة، في علاقات إنسانية جوة بتتقطع وتانية بتتوصل، في أكلات حلوة أوي جوة ياجماعة كمان😂😂😂😂

حبيت الرواية جدا، يمكن أقل من حبي لدماء على السجادة الحمراء اللي اكتشفت القات...ل فيها -مقرأتش للكاتبة كتير-، ودي مكتشتفتش القات..ل بس حبيتها، كان سكر الرواية كلها عاصم وندى، حبيتهم أوي، يعني نهى مخدتش فكرة اللي هو القصص العادية ونرجع لبعض مهما حصل والفيلم الهندي اللي ممكن يحصل في مكان تاني، هي خدتنا في خلفية عن مشكلتهم، شوفنا الجانب الحلو من عاصم وندى، وعرفنا اللَبس اللي حصلهم، مرجعتهمش مرة واحدة وكروتت علاقتهم، أعتقد لو الرواية الجاية هما هيبقوا فيها... هيرجعوا لأن أعتقد كدة خدوا حقهم في الذبابة كويس وكانوا خلاص هيرجعوا🫠😂.

أنا لأخر لحظة شكيت في شخصية ومطلع/ت/ش اللي توقعته صح، منكرش إني معرفتش أجيب القات..ل، بس الأسباب يمكن مكانتش كافية في وجهة نظري، يعني شكيت في كذا حد وكان ممكن انبهر لما أعرف أسبابهم بس منبهرتش أوي بأسباب القات...ل اللي عرفناه في النهاية.

أسلوب نهى جميل أوي ويخليك تحب الرواية وتخلصها بسرعة حقيقي، شكرا على أن وقتي مضاعش على الفاضي🥰♥️

#قراءات_صيفية_مع_أبجد_وفنجان_قهوة

#ذبابة_زرقاء

#نهى_داود