طغراء

طغراء مش رواية عادية دي تجربه مشاعرها تقيلة إحنا كلنا عدينا بيها في وقت من الأوقات وخوف سيطر علينا بس الصدق اللي فيها بيخلّي كل كلمة تستقر في القلب قبل العقل.

أنا حرفيًا حسيت إني رجعت لأيام الثورة.

الأسلوب الصوفي اللي كتبت بيه شيرين في مشهد موت علاء الدين كان مؤثر جدًا وقفت عنده كتير واتأثرت بتساؤلاته عن المعنى والمصير.

أكتر حاجة حبيتها إن الرواية فيها جمل كأنها بتلمسك… بتحس إنها اتكتبت ليك وإنك بتتأثر بيها.

الرواية فيها وجع حقيقي وسؤال مفتوح عن معنى كل حاجة حوالينا.

شيرين هنا كتبت بحبر من وجع ومن وعي ومن حاجة أعمق بكتير من مجرد خيال… وده اللي خلى طغراء تفضل جوايا حتى بعد ما قفلتها.

تقييمي: ٥/٥

وآخر سؤال مهم:

حد خلصها ولسه بيجيله في الحلم صلاح الدولة؟😂😂

"شعب كتب عليه أن يخونه حكامه عبر العصور ..أن يكمموه بوطأة فتنسي الأجيال القادمه أن لها صوتا يعلو و لسانا يحق الحق"

"من لا يملك سيعطي من لا يستحق ما لا يملك ثم تأخذ ما ليس لك فتستحقه و تملك"

"الجميع يبحث عن سقطه في سجل غيره هكذا تسير الأمور هنا و كلما كانت سقطه متعلقه بالدين كان هذا أفضل...يطمئنون علي إيمانهم بكفر غيرهم"