رواية الزرايب / محمد الصاوي
"فقلوب الناس إن تربت على المعاصي لا تتقبل حسنة تدخلها"
رواية رائعة و ممتعة بتدور أحداثها اللي مستوحاة من احداث حصلت فعلا في منطقة اسمها الزرايب و في فترة زمنية قديمة شوية..
أبطال الرواية هما نسل عيلة ابو حماقة اللي معظمهم (الا من رحم ربي) بيتوارثوا الفساد و الشر و كأنهم من نسل شياطين مش بشر!!
اتخذوا من هوى و شرور نفسهم اسلوب حياة و اسلوب إدارة لامبراطورية الفساد اللي اسسها الابن حكوم ابو حماقة على الباطل و النجاسة و كل ما يغضب ربنا!!
لغة الرواية فصحى سلسة و الحبكة ممتعة و أكثر عجبتني فكرة ان الرواية بتتحكي علي لسان رواة غير تقليديين!! مش بشر انما اشياء صاحبت الابطال و عاصرتهم زي عصاية و خاتم و زواية صلاة و روح احد الابطال ..
اسلوب الكاتب فكرني بروايات الكاتب اشرف العشماوي فلغته بصرية رائعة و ممتعة تاخدك جوا عالم مليان تفاصيل اتقن الكاتب وصفها ببراعة...
و اخيرا النهاية كانت صادمة شوية لكن نورت جوايا حاجة مهمة جدا جدا... و هي أن حتى لو ظهر ان الظلم و الفساد هو السائد و المسيطر فما عند الله خير و ابقى..
الرواية عظمة 😍❤️