ختام مناسب للثلاثية اللي باعتبرها لون مختلف شوية عن كتابات شيرين هنائي السابقة. لكن واضح فيه أكتر حاجتين باشوفهم في كتابتها وهما:
إن البشر مش أبيض وأسود لكن كل الدرجات بين اللونين. وإنك تقدر تقاوم نفسك وجزء الشر اللي فيها. مش كلام تنمية بشرية لكن فعلا كل إنسان يقدر بشكل أو بآخر يقاوم الظروف اللي حواليه ويقاوم أو يطور موهبة أو سمة في شخصيته. يقدر مايبقاش ضحية الظروف وإنه لو حاول فعلا هايلاقي حاجات بتساعده. يمكن مايوصلش لهدفه النهائي بسهولة أو مايوصلش خالص. لكن الأكيد أنه مش هيبقى الشخص التاني اللي ممكن يبقاه لو محاولش.