يا نهار حلاوة😍
فانتازيا علي فلسفة علي لغة رائعة علي أفكار برة الصندوق...حاجة كدة جديدة و طعمها حلو اوي:)
الرواية بتحكي عن طبق طائر هبط فجأة علي منطقة شعبية إسمها أرض الموقف أو كوكب 'زبالينو ' ليعزلها تماماً عن العالم الخارجي و ياخدنا بقي الكاتب لنتعرف علي شخصيات كتير تعيش في هذه المنطقة الشعبية و وراء كل شخصية حكاية لها العجب..
إسلوب الكاتب رائع ،إسلوب سرد مبتكر ..
خفة دم ملهاش حل..أفكار ممتازة...لغة رائعة.. حقيقي من الكتب اللي حتتمزج أثناء قراءتها...
محمد الفولي أكيد غني عن التعريف ..قرأنا له العديد من الكتب المترجمة و لأول مرة يبعد محمد الفولي عن الترجمة ويكتب روايته الأولي و بجد يا بختنا كقراء بيه كمترجم و كاتب ممتاز...
أرفعله القبعة و ياريت يوصل سلامي للقائد الأعلي المبجل "آبديل باسط هامودا" :)
و زي ما بيقول عبد الباسط حمودة بتاعنا دة مكانا في حتة تانية مش جنب الناس التانية..
جايز والله يكون مكانا في طبق طائر مش في الدنيا دي:)