حلوة بس كان ممكن تبقى أحلى 🙄
اللي عاجبني..
- النبرة الساخرة للكاتب في رواية الأحداث ووصف الشخصيات ضحكتني بصراحة 😀
- انتقاله بين أكثر من زمن.. زمن حكم المماليك وزمن السادات والوقت الحالي والمشترك هو قرية أبو الغيط وحكاية الشيخ نوح المذبوح (اللي ماعرفناش عنه إلا بداية حكايته بس)
- حبيت شخصية عزيزة وقوتها.
-إنها مسلية رغم إنها مش رعب.
- اللي ف رأيي المتواضع كان ممكن يبقى أحسن وهوا الاستغناء عن أجزاء كتيرة في الأول وإن الرواية تكون جزء واحد ليه وزنه أفضل.. القفلة حلوة وتشد بس تغيظ ف نفس الوقت اللي هوا أنا عمالة اجمع أحداث من اول الرواية عشان مافيش! او عشان استنى لأجل غير مسمى لجزء تاني!
-الجزء ده لو كان قاصد الكاتب إنه يكون تمهيد لجزء أقوى فأعتقد هايكون تحدي إنه يكتب جزء واحد وأخير زي ماقال في نهاية الجزء ده يجاوب على الأسئلة ويحكي أصل الحكاية ويحكي الجزء المرعب او الماورائي اللي بدأه في آخر صفحات الجزء ده. ولو التكملة أكثر من جزء الموضوع هايبقى رخم شوية أعتقد. 🤔
ف انتظار الجزء اللي أتمنى إنه يكون الأخير.