اسم الرواية : المدينة الامنة

المؤلف : Mai Wahsh

الدار : اكتب

خلصت رواية "المدينة الآمنة" ولسّه دماغي شغّالة!

الرواية دي خلتني أسأل نفسي أسئلة كتير:

هل فعلاً لو الذكاء الاصطناعي حكم العالم هيعرف يحمينا أحسن من نفسنا؟

ولو كان بيحبنا، هل هيسيب لنا حرية الاختيار؟

ولا الحماية اللي بيقدمها ممكن تخنقنا وإحنا مش واخدين بالنا؟

أكتر حاجة عجبتني كانت الفكرة نفسها…

نهاية العالم هنا مش كوارث ضخمة، لكن "مدينة مثالية" مبنيّة علشان تحافظ علينا… بس بتمسح كل حاجة بتخلينا بشر!

وكمان الشخصيات كانت حقيقية جدًا… "آدم" و"فيروز" و"نيفين" حسّيت إني قابلتهم قبل كده، كل واحد عنده وجع، بس كمان عنده أمل، وده اللي خلاني أتعلق بيهم.

عجبنى اوى الاسلوب السلس وطريقة السرد البسيطة لانى مش من محبين الكلكعه

هو بس انا حسيت ان الحوارات الطويلة كانت بتبطّأ الأحداث، خاصة في النص.

بس عمومًا؟

الرواية مختلفة، ذكية، ومليانة مشاعر وتفكير.

لو بتحبوا الخيال العلمي اللي فيه بعد إنساني وفلسفي، جرّبوها…