#سفريات٢٠٢٤

#عن_العشق_والسفر_بلورة_الأمنيات

انا من عشاق أدب الرحلات، بعرف أفرق كويس جدا بين الكتاب الحلو والكتاب اللي مكتوب باستعجال، بين المعلومة اللي مكتوبة ف مكانها و بغرض الإفادة فعلاً والمعلومة اللي مكتوبة لمجرد حشو الصفحات أو الاستعراض لأي سبب

مع بداية سلسلة "عن العشق والسفر" ومع اول قراءة ل "نهى عودة" عرفت أننا بنستقبل كاتبة أدب ث من طراز جديد وفريد جدا، من اول جزء والكاتبة واخدنا ف سكة حكايات الاصدقاء اللي فيها معلومات جديدة طول الوقت

ف الجزء دة كانت الرحلة لعاصمة النور، حلم العشاق الأبدي، اللي بتزورها نهى مع زوجها و اكبر أطفالها"انس"، رحلة عائلية بامتياز ، بنشوف بعيون نهى باريس ف الوقت دة، بنعيش معاها مغامرات الرحلة مع وجود طفل عنده ٣ سنين ومغامرات ومواقف لا تنتهي

عجبني ف الجزء دة التركيز على انس بصراحة 😁، فكرة وجود طفل ف السن دة بيزهق بعد ربع ساعة وبيجوع ف اغرب اماكن ف العالم، السارينة اللي بتتفتح فجأة وبدون مقدمات وبتخلي الأسرة الصغيرة "فرجة" حرفيآ دة عادي 😂، والرسالة الواضحة من نهى"اتبسطوا ي جماعة واتاكدوا أن احباب الله بيعملوا نفس الحاجات بنفس الطريقة بس الفكرة ف اختلاف اللغة😁"

عجبني كمان ف الجزء دة استغلال نهى لدراستها بشكل مكثف، المعلومات هنا مكثفة اكتر بس مكتوبة بطريقة ابسط بكتير ف كانت التجربة سلسة اكتر رغم كثرة المعلومات...سهل ممتنع زي م الكتاب بيقول

اما عن بلورة امنياتي السحرية ف بتتغير باستمرار، فيه اماكن ثابته نفسي اروحها أولهم قصر الحمراء في الأندلس، رحلة بحرية تلف بيا اكبر قدر ممكن من موانئ العالم، بالتأكيد جوار الكعبة(مش عمرة انا عاوزة اعيش هناك)...بلورتي السحرية فيها اجزاء ثابته و اجزاء كل يوم بتتغير عشان فكرة التأقلم مع الحياة و متطلباتها، الثابت اني بحاول اتبسط طول الوقت بأقل الامكانيات، عيني على ال wish list ف كل ثانية

كتاب جميل...دافئ...اتبسطت قوي وانا بقرأه

تسلم ايدك يا Noha Oda

وشكرا من قلبي على جرعة الأمل ف تحقيق الأمنيات...حتى لو اتأخرت حبتين

#قراءات_حرة

#قراءات_اكتوبر

١/٥٤