لفت نظري فكرة الكتاب والمقدمة لكني في البداية فتحته بالصدفة للتصفح مش اكتر.
لكن الكتاب خلص بسرعة فقررت أكتب مراجعة بسيطة عنه
الكاتب وهو طبيب بشري بيحكي في كل قصة على مواقف تعرض لها خلال عمله والحالات المرضية اللي قابلها واللي مش بيكشف فيها مطلقًا عن شخصيات المرضى، ولكن هي للعبرة حسب توصيفه.
الحقيقة أني أولًا حسيت أن القصص عادية جدًا وفي منها مقدرتش أفهم ليه يسلط عليه الضوء كدة رغم أنه عادي.
اللغة المكتوب بيها القصص تقريرية إلى حد كبير فمش ممتعة بالنسبة لي.
غير ان الكاتب كان بيستخدم وصف قديم جدًا ومستهلك ودي نقطة سلبية للكتاب من رأيي.
كمان كرر فكرة أن المرضى أو اهلهم بيغلطوا في اسمه رغم أن اسم نافع عادي ومتداول مش غريب للدرجة دي
لكن بالنسبة لي كان ختام الكتاب أو اخر قصة فيه رغم قسوتها لكنها كانت نهاية مختلفة ومتوقعتهاش
وعشان كدة كانت النجمة التالتة فقط